გრეტა გერვიგის „ბარბის” ბილეთების გაყიდვიდან შემოსულმა თანხამ სამ კვირაში მილიარდი დოლარი შეადგინა და მოხსნა ქალი რეჟისორების რეკორდი, რომელიც პეტი ჯენკინსს ეკუთვნოდა ფილმისთვის Wonder Woman.
გრეტა გერვიგის ფილმმა ჩრდილოეთ ამერიკის კინოთეატრებისგან ამ უიკენდზე დამატებით კიდევ 53 მილიონი დოლარი გამოიმუშავა. თანამედროვე ისტორიაში მხოლოდ 53 ფილმია, რომელსაც ბილეთების გაყიდვით მილიარდ დოლარზე მეტი აქვს გამომუშავებული. ამ ეტაპზე „ბარბის” ქალების თანარეჟისორობით შექმნილი კიდევ სამი ფილმი უსწრებს. ესენია: Frozen (1.3 მილიარდი დოლარით), Frozen 2 (1.45 მილიარდი დოლარით) და Captain Marvel (1.1 მილიარდი დოლარით). თუმცა „ბარბიმ” ადგილობრივ ბაზარზე უკვე გაუსწრო Captain Marvel-ს და ქალი რეჟისორის გადაღებულ ფილმებში ჩრდილოეთ ამერიკის ახალი რეკორდი დაამყარა.
ამ ეტაპზე მეორე ადგილზეა ახალი ანიმაციური ფილმი Meg 2: The Trench. მესამე ადგილს კი კრისტოფერ ნოლანის Oppenheimer იკავებს.
