The Killers-ის კონცერტი, რა მოხდა  Black Sea Arena-ზე

The Killers-მა Black Sea Arena-ს კონცერტზე რუსი დრამერი სცენაზე აიყვანა, რის გამოც მსმენელების ნაწილმა დარბაზი დატოვა.
The Killers
The Killers

15 აგვისტოს Starring Georgia კამპანიის ფარგლებში ცნობილმა ამერიკულმა როკ ბენდმა  The Killers, Black Sea Arena-ზე კონცერტი გამართა. The Killers-ის კონცერტამდე სცენა საქართველოში ერთ-ერთმა ყველაზე პოპულარულმა  ბენდმა LOUDspeakers-მა გახსნა. კონცერტი წყნარ და მშვიდ გარემოში მიმდინარეობდა, ყველა The Killers ელოდა, მისი გამოსვლა ცნობილი სიმღერით MR Brightside დაიწყო. სიმღერის დასრულების შემდეგ კი ოვაციები არ წყდებოდა, თუმცა შუა კონცერტის დროს  მომხდარი ინციდენტის გამო ყველაფერი შეიცვალა. 

The Killers-მა Black Sea Arena-ს კონცერტზე ერთ-ერთი სიმღერის შესულების დროს დარბაზში შეკრებილ მსმენელთა შორის სცენიდან ტრადიციულად მსმენელი აიყვანა, რომელსაც ბენდთან ერთად სიმღერა უნდა დაეკრა, რასაც აუდიტორიის მხრიდან უარყოფით რეაქცია მოჰყვა. საქმე ისაა, რომ მსმენელი რომელიც სცენაზე ავიდა რუსეთის მოქალაქე აღმოჩნდა. ამ ფაქტის გამო პროტესტის ნიშნად  მსმენელების გარკვეულმა ნაწილმა დარბაზი დატოვა. მსგავსი რეაქციით გაკვირვებულმა The Killers-ის ფრონტმენმა ბრენდონ ფლაუერსმა აუდიტორიას მიმართა: „ადამიანის ეროვნებას მნიშვნელობა არ აქვს და ქვეყნებს შორის არ უნდა არსებობდეს საზღვრები, ჩვენ ყველა დები და ძმები ვართ“, რასაც დამსწრე საზოგადოების გარკვეული ნაწილიდან კიდევ ერთი პროტესტი და უარყოფითი შეძახილები მოჰყვა. 

Სცენაზე განვითარებულ ინციდენტს ადგილობრივი და საერთაშორისო მედიაც გამოეხმაურა, მოგვიანებით კი The Killers-მა სოციალურ მედიაში პოსტი გამოაქვეყნა და ბოდიში მოიხადა. მათი თქმით, ეს ბენდის უცვლელი ტრადიციაა, რომელიც სცენიდან დრამერის აყვანას გულისხმობს, რათა მათთან ერთად სიმღერა შეასრულოს.  

„საქართველოს კეთილო ხალხო, არასდროს გვიფიქრია ვინმეს წყენა, ჩვენ დიდი ხანია მსგავსი ტრადიცია გვაქვს, სადაც ვიწვევთ ხალხს, რათა ჩვენთან დრამზე დაუკრან, სცენიდან აუდიტორიის პირველადი რეაქციიდან თითქოს ჩანდა, რომ ხალხი წინააღმდეგი არ იყო. ჩვენ ვაცნობიერებთ და გვესმის, რომ The Killers-ის მხრიდან ძმები და დების თქმა შესაძლოა აუდიტორიას და თაყვანისმცემლებს არასწორად გაეგოთ. არავის გაღიზიანება არ გვინდა და ბოდიშს ვიხდით, ჩვენ თქვენს გვერდით ვართ და იმედი გვაქვს მალე დავბრუნდებით.” – წერს The Killers სოციალურ მედიაში.

ამ ფაქტს ქართული ბენდი LOUDspeakers-იც გამოეხმაურა:


„ქილერსის warm up-ზე დაკვრა საამაყო გვეგონა, მაგრამ რუსის დრამზე აყვანით და მცდელობით, რომ რუსები და ქართველები ჩაეხუტებინათ, ძალიან იმედგაცრუებულები და გაბრაზებულები  ვართ. უნდა იცოდე სად ჩადიხარ! რუსეთი მტერი და ოკუპანტია!!!.”- აფიქსირებს ბენდი თავის პოზიციას.

მომხდარის შესახებ სოციალურ მედიაში Black Sea Arena-მ განცხადება გამოქვეყნა: 

 
„გვესმის ჩვენი სტუმრების ემოციების. არტისტის მოქმედება სცენაზე არ არის Black Sea Arena-ს პოზიცია. ვიაზრებთ ჩვენს წილ პასუხისმგებლობას, გულწრფელად ვიხდით ბოდიშს და გიზიარებთ არტისტის პასუხს მომხდართან დაკავშირებით. რუსეთი ოკუპანტია.”- წერს Black Sea Arena.

Share
Tweet
Share
Share
Share

წინა სტატია

სტეფანეს მორიგი ჰიტი – „ჩემზე არის ეს სიმღერა”

შემდეგი სტატია

დამიან სკოტი ნიუ-იორკში Billboard-ის ჰიპ-ჰოპისა და R&B მიმართულებას უხელმძღვანელებს

შეიძლება დაგაინტერესოთ

პირველად საქართველოში, Empire Of The Sun გულშემატკივარს უნიკალურ შესაძლებლობას სთავაზობს

შეთავაზებული პაკეტების ფარგლებში, ავსტრალიური ბენდი ნებისმიერ მსურველს აძლევს შესაძლებლობას, პირადად შეხვდნენ არტისტებს, გადაიღონ ფოტოები და მიიღონ დაუვიწყარი გამოცდილება.
მეტი

თბილისის ეროვნული სიმფონიური ორკესტრი ახალ სეზონს ხსნის

თბილისის ეროვნულ სიმფონიურ ორკესტრთან ერთად მსმენელის წინაშე წარდგებიან კახი სოლომნიშვილი (დირიჟორი) და ელენე გოგოძე (ვიოლა).
მეტი

Billboard Georgia Stage-ის ფარგლებში ბექა გოჩიაშვილი ბენდთან ერთად კონცერტს Republic-ში გამართავს

პიანისტი ბენდთან ერთად წარადგენს მუსიკალურ ექსპერიმენტს, რომელსაც ქართველი აუდიტორია პირველად მოისმენს.
მეტი
Black Sabbath-ის ვოკალისტი ოზი ოსბორნი, 2022 წლის 8 აგვისტო, ბირმინგემი, ინგლისი.

ცნობილმა მეტალ ბენდმა Black Sabbath-მა უკანასკნელი შოუ დააანონსა, რომელსაც Metallica, Slayer და სხვა ჯგუფებიც შეუერთდებიან

კონცერტი 5 ივლისს, ინგლისის ქალაქ ბირმინგემში, Villa Park-ში გაიმართება.
მეტი