Friendship ყოველწლიური საკრუიზო ფესტივალია, რომლის ჰედლაინერებს შორის არაერთი ცნობილი ვარსკვლავია. Friendship 2024-ზე მსმენელის წინაშე ისეთი არტისტები წარდგებიან, როგორებიც არიან Skrillex, Boys Noize, Chris Lake და სხვები. ელექტრონულ მუსიკის წამყვან ვარსკვლავებთან ერთად, ლაინაფშია ქართველი არტისტი Nitepunk. 2023 წლის ზაფხულში „Billboard საქართველომ“ Nitepunk-თან (ლაშა მამულაშვილი) ინტერვიუ გამოაქვეყნა, რომელშიც არტისტმა თავის კარიერის განვითარებაზე ისაუბრა.
„მიუხედავად იმისა, რომ ბევრ რამეს რაციონალურად ვუდგებოდი, როცა 2015 წელს შეერთებულ შტატებში ჩავედი, ძალიან ბევრი სირთულის გადალახვა მომიწია. Ჩადიხარ დიდ ქვეყანაში, სადაც არავინ არ ხარ, დამოუკიდებლად უნდა იცხოვრო. “ – ამბობს Nitepunk ინტერვიუში.
ამჟამად Nitepunk ე.წ. Dance Music სცენის ამომავალ ვარსკვლავებს შორისაა. 2023 წელს Nitepunk ოთხ სხვა არტისტთან ერთად SoundCloud-ის რჩეული გახდა. იგი აუდიო პლატფორმის სააქსელერაციო პროგრამაში სახელწოდებით First on SoundCloud-ში მიიღებს მონაწილეობას. ამ პროექტთან დაკავშირებით არტისტის შესახებ გავლენიანი გამოცემა Variety წერს. Nitepunk-ის სახელი უკვე მრავალი მასშტაბური მუსიკალური შოუს თუ ფესტივალის ლაინაფში გამოჩნდა, მაგალითად ივლისში არტისტმა Lollapalooza Paris-ზე დაუკრა.
რაც შეეხება Friendship 2024-ს, პროექტი საკმაოდ ცნობილია თავისი გამორჩეული კონცეფციითა და მონაწილე არტისტებით. საკრუიზო გემი 2024 წლის 6 იანვარს მაიამიდან გაცურავს და პორტს 11 იანვარს დაუბრუნდება. გემი 3,500 მგზავრზეა გათვლილი.
ნახეთ Friendship 2024-ის სრული ლაინაფი:
