თამადას გულშემატკივარი მის ახალ ალბომს ელოდება. თუმცა ალბომის გამოსვლამდე მუსიკოსმა გადაწყვიტა, ძველი კომპოზიციებისთვის გადაეხედა და მსმენელისთვის მათი ახლებური ვერსიები შეეთავაზებინა. პირველი ასეთი კომპოზიციაა Homeless, რომელიც თამადამ 2013 წელს შექმნა.
თამადა:
„ახალი ალბომი დავასრულეთ. Leno Records-ში დავაბალანსეთ, დავამასტერეთ. თუმცა იქიდან გამომდინარე, რომ იბეჭდება ფირფიტაზე და ამ ყველაფერს იმაზე მეტი დრო სჭირდება, ვიდრე მეგონა, მოვიწყინე. ამ მოწყენილობამ კი ძველი შეგრძნებები გამიღვიძა და დავიწყე წინა პროექტის – Lasha Chapel-ის ტრეკებში ქექვა. ისე მოხდა, რომ რამდენიმე დღეში თავიდან ჩავწერე და დავასრულე ბევრი ძველი კომპოზიცია თუ სიმღერა. და გამიჩნდა ისეა, რომ დროდადრო გაგიზიაროთ ჩემი ძველი მეს ქავერები.
პირველი გახლავთ Homeless, რომელიც 2013 წელს პირველი ჩემით გაკეთებული ელექტრონული მუსიკა იყო. დაუვიწყარი დღეები მაჩუქა ამ სიმღერის გადაკეთების პროცესმა. თითქოს, ძველ მესთან დამაბრუნა და დროში მამოგზაურა. იმედია, მოგეწონებათ და ბოდიშშიც ჩამითვლით, ახალი ალბომის ასე გაწელვისთვის.”
Homeless-ის პრემიერა 17 აგვისტოს ბათუმის Mono Hall-ში გამართულ თამადას კონცერტზე შედგა.
