„როგორც უკვე ყველასათვის ცნობილია, სემი და მე ერთად აღარ ვართ… 6 წელი ერთად ყოფნისათვის დროა, ამიტომ ცოტა შოკში ვარ, თუმცა…არ ვაპირებ, ვინმეს რამე ავუხსნა, რადგან გულწრფელად რომ ვთქვათ, ეს არავის საქმე არ არის!!!“ – წერს ბრიტნი სპირსი ინსტაგრამზე გამოქვეყნებულ პოსტში. ეს სიტყვები სპირსმა ვიდეოს დაურთო, რომელშიც ჯენეტ ჯექსონის 1993 წლის ჰიტზე სახელწოდებით If ცეკვავს.
„ამდენ ტკივილს ვეღარ გავუძელი!!! Რაღაც ტელეპათიური გზით მეგობრებისაგან ისეთ გზავნილებს ვიღებდი, რომლებიც გულს მითბობდა და ამისათვის მადლობელი ვარ!!! თავს ძლიერად ძალიან დიდი ხნის განმავლობაში ვაჩვენებდი. ჩემი ინსტაგრამი შესაძლოა იდეალურად გამოიყურებოდეს, თუმცა ის რეალობისგან შორს არის და ვფიქრობ, ეს ყველამ ვიცით. ვისურვებდი ემოციები გამოვხატო და გაჩვენოთ სინამდვილეში როგორ ვგრძნობ თავს, მაგრამ არსებობს მიზეზები, რომლის გათვალისწინებითაც ჩემი სისუსტეების დამალვა მიწევდა!!!.“ – წერს სპირსი.
Billboard-ის მიერ მოპოვებული დოკუმენტების მიხედვით, ასგარმა განქორწინებაზე განაცხადი 16 აგვისტოს ლოს ანჯელესის სასამართლოში შეიტანა. დოკუმენტების მიხედვით წყვილი ერთად 28 ივლისის შემდეგ აღარ არის. ასგარი მიზეზად უთანხმოებას ასახელებს. ის სპირსისაგან სავალდებულო ფინანსურ მხარდაჭერასაც ითხოვს.
ბრიტნი სპირსმა და სემ ასგარმა შეხვედრა 2016 წელს დაიწყეს. წყვილი ერთმანეთს 2016 წელს, Slumber Party-ის მუსიკალური ვიდეოს გადაღებებისას შეხვდა. ხუთწლიანი ურთიერთობის შემდეგ, 2021 წელს დაინიშნნენ და ხოლო 2022 წლის ივნისში იქორწინეს. ქორწინების წინ სპირსმა განაცხადა, რომ მუცელი მოეშალა.
განქორწინების განაცხადის შეტანიდან მეორე დღეს, სემ ასგარი საკუთარ გადაწყვეტილებას ინსტაგრამის ისტორიაში გამოეხმაურა. „ექვსწლიანი სიყვარულისა და ერთგულების შემდეგ, მე და ჩემმა მეუღლემ გადავწყვიტეთ ეს მოგზაურობა დავასრულოთ“- წერს სემი. “ჩვენ ვინარჩუნებთ სიყვარულს და ერთმანეთისადმი პატივისცემას და მას ყოველთვის საუკეთესოს ვუსურვებ“. სემმა საზოგადოებას თხოვნით მიმართა – „კონფიდენციალურობის მოთხოვნა ასეთ დროს უაზრობაა, ამიტომაც ყველას, მედიის ჩათვლი, ვთხოვ, კეთილი და დაფიქრებული იყოს.“ – აღნიშნავს სემ ასგარი.
ნახეთ ბრიტნი სპირსის ინსტაგრამ პოსტი:
