შაბათს, 23 სექტემბერს TikTok-ის პლატფორმაზე ლეგენდარული მუსიკოსის ლენი კრავიცის დებიუტი შედგა. ლენიმ გიგანტური კაშნე მოიხვია და შემოდგომის სეზონი გახსნილად გამოაცხადა.
„მოიხვიე შენი დიდი კაშნე, ეს შემოდგომის პირველი დღეა” – ამბობს TikTok-ის ხუთწამიან ვიდეოში ლენი კრავიცი.
2012 წელს მუსიკოსი ნიუ-იორკში პაპარაცებმა დააფიქსირეს, რა დროსაც ლენის უზარმაზარი კაშნე ჰქონდა მოხვეული. აღნიშნული ფოტო უამრავი “მიმის” შთაგონების წყაროდ იქცა და ათი წლის შემდეგ ამ ფაქტს იუმორისტულ გადაცემებშიც იხსენებდნენ.
ლენი კრავიცი 2018 წელს ჯიმი ფელონის The Tonight Show-ში სწორედ ამ ფოტოზე გვიამბობს: „ბაჰამის კუნძულებზე ვცხოვრობ და თბილ ამინდებს ვარ შეჩვეული. ნიუ-იორკში სურსათის მაღაზიაში უნდა წავსულიყავი და გაციების შემეშინდა. „პატარა” კაშნე უნდა მომეხვია კისერზე, თუმცა იმ კონკრეტულ მომენტში მხოლოდ ასეთი კაშნე მქონდა.”
ფელონმა ამ სიტყვების შემდეგ ლენის ფოტო აჩვენა აუდიტორიას და უთხრა: „მაგრამ ლენი, ეს კაშნე არ არის, ეს საბანია.”
ნახეთ ლენი კრავიცის პირველი TikTok ვიდეო:
