27 სექტემბრიდან სპექტაკლი „ბრუნტეტი” საქართველოს სხვადასხვა ქალაქში იმოგზაურებს. ამის შესახებ მუსიკოსი კორძი სოციალურ ქსელში წერს. გამოქვეყნებულ ვიდეოში მუსიკოსი სპექტაკლის მოკლე ისტორიას ჰყვება და ტურნეს თარიღებსა და ქალაქებს აანონსებს.
„ბრუნტეტი” მუსიკალური სპექტაკლია, რომელიც კორძის, რეჟისორ სანდრო კალანდაძის, ჰოლანდიური ანსამბლ Kluster5-ისა და თეატრალური კომპანია „ჰარაკის” თანამშრომლობით შეიქმნა. სპექტაკლი კორძის ბავშვობის ჩანაწერებზეა დაფუძნებული, რომლებიც მუსიკოსმა შემთხვევით ძველ კასეტაზე აღმოაჩინა. ამ ჩანაწერების შთაგონებით მან მუსიკალური ნაწარმოები დაწერა, რომელზეც შემდგომ სანდრო კალანდაძემ სპექტაკლი დადგა. სპექტაკლის პრემიერა თბილისში, „ჰარაკის” სცენაზე 5 თებერვალს შედგა. 27 სექტემბრიდან კი სპექტაკლი როგორც თბილისის, ასევე რეგიონების თეატრების სცენებზე დაიდგმება.
ნახეთ კორძის ვიდეო:
