კეტი პერი ცნობილი ანიმაციური შოუს, სახელწოდებით Peppa Pig! შემოქმედებითი გუნდის წევრი ხდება. პროექტის შემქმნელი კომპანიის, Hasbro-ს განცხადებით მომღერალი შოუს 2024 წლიდან შეუერთდება.
მომღერალი ანიმაციური სერიალის სამნაწილიან სპეციალურ გამოშვებაში – Peppa Pig Wedding Party-ის სერიებში ახალ პერსონაჟს, მკერავ მის ლეოპარდს გაახმოვანებს.
„ძალიან გახარებული ვართ, რომ ასეთი რანგის ნიჭიერი არტისტი Peppa Pig!-ს შემოუერთდა. როგორც მზრუნველი მშობელი და Peppa-ს თაყვანისმცემელი, კეტი პერი მის ლეოპოლდის პერსონაჟის გასახმოვანებლად საუკეთესო არჩევანია“ – აღნიშნა Hasbro Entertainment-ის პრეზიდენტმა, ოლივიე დიუმონმა. Peppa Pig-ის როლი კეტი პერისათვის პირველი ანიმაციური პერსონაჟია მას შემდეგ, რაც 2013 წელს The Smurfs 2-ში სმურფეტი გაახმოვანა.
როგორც გამოქვეყნებულ რელიზშია მითითებული, Peppa Pig Wedding Party-ის პროექტზე შემოქმედებითი გუნდი ჰოლივუდის სცენარისტთა და მსახიობთა გაფიცვამდე დამტკიცდა.
Peppa Pig ბრიტანული სატელევიზიო სერიალია, რომელიც სკოლამდელი ასაკის ბავშვებისთვისაა გათვლილი. სერიალი დაახლოებით 20 წელია გადის და მას მსოფლიო მასშტაბით 180-ზე ტერიტორიულ ერთეულზე უჩვენებენ. Peppa Pig-მა სამი სტუდიური ალბომიც გამოსცა – My First Album(2019), Peppa’s Adventures: The Album(2021) და Peppa’s Club: The Album (2022).
ნახეთ Peppa Pig-ის ინსტაგრამზე გამოქვეყნებული პოსტი:
