მსმენელების არჩევანით, ტეილორ სვიფტის ალბომი – 1989 (Taylor’s Version) კვირის საუკეთესო ახალი მუსიკალური ნამუშევარია. ჩარტი 28 ოქტომბერს Billboard-ზე გამოქვეყნდა და ფანებმა პოპ ვარსკვლავის ცნობილი ალბომის ხელახლა ჩაწერილ ვერსიას მისცეს ხმა. შედეგად, ალბომმა ჩარტის საერთო ხმების 89% მიიღო.
სვიფტი მუსიკალურ კატალოგს ახლიდან ქმნის და უკვე გამოცემული ალბომების ახალ ვერსიებს უშვებს, რათა მათზე საავტორო
უფლებები სრული მოცულობით ეკუთვნოდეს. პოპ მუსიკოსმა 1989 (Taylor’s Version) 2023 წლის 27 ოქტომბერს გამოსცა. ის 2014 წლის ალბომის, 1989-ის განახლებული ვერსიაა. ხელახლა ჩაწერილ ძველ ტრეკებთან ერთად ალბომი ხუთ ახალ სიმღერასაც მოიცავს. ეს სიმღერებია: Slut!, Say Don’t Go, Now That We Don’t Talk, Suburban Legends და Is It Over Now.
1989 (Taylor’s Version) გამოსვლის დღეს შეერთებული შტატების მასშტაბით 250 ათას ეგზემპლარად გაიყიდა. უკვე მეორე დღეს კი, ჩანაწერი 2023 წლის გაყიდვების ზოგადი მონაცემებით მესამე ადგილს იკავებდა.
