ემა სტოუნი ტეილორ სვიფტთან დამეგობრების ისტორიას ჰყვება

„ოსკაროსანი“ მსახიობი ემა სტოუნი ტეილორ სვიფტის The Eras Tour-ზე სამჯერ იმყოფებოდა.

როგორც ირკვევა, ორი სუპერვარსკვლავი ერთმანეთს თინეიჯერობის ასაკში დაუახლოვდნენ. გრეჰემ ნორტონის საახალწლო  შოუში, მსახიობმა ემა სტოუნმა ტეილორ სვიფტთან დამეგობრების და პოპ-ვარსკვლავის სიმღერის When Emma Falls In Love-ის შესახებ ისაუბრა.  

ემა სტოუნმა საუკეთესო ქალი მსახიობის „ოსკარი“ 2017 წელს,  La La Land-ში შესრულებული როლისთვის მოიპოვა. ინტერვიუში ემამ აღნიშნა, რომ Eras Tour-ს იგი სამჯერ დაესწრო, მათ შორის ტურნეს გახსნის შოუს, რომელიც მის მშობლიურ ქალაქ ფენიქსში გაიმართა.  „მენდი მური, რომელიც ფილმ La La Land-ის ქორეოგრაფი იყო, გასტროლებში ტეილორის ქორეოგრაფიც გახლდათ.“ – თქვა ემა სტოუნმა.

სწორედ მენდი მურის ქორეოგრაფია და ემა სტოუნის საოცარი პერფორმანსი იყო ის ელემენტი, რამაც La La Land-ს წარმატება მოუტანა. 2017 წელს, „ოსკარის“ დაჯილდოებაზე, რეჟისორ დემიენ შაზელის ფილმმა თოთხმეტი ნომინაციიდან ექვსი ჯილდო მოიპოვა და ისეთი „ოსკაროსანი“ ფილმების სიაში შევიდა, როგორიც არის All About Eve (1950) და Titanic (1997). La La Land-ის საუნდტრეკის წყალობით, ემა სტოუნი Billboard-ის ჩარტების სიაშიც შევიდა. რაიან გოსლინგთან შესრულებული სიმღერით City of Stars იგი Billboard-ის Hot 100-ს მერვე ადგილზე მოხვდა.

ემა სტოუნის და ტეილორ სვიფტის მეგობრობის ისტორია ამ გახმაურებულ წარმატებამდე ბევრად ადრე იწყება. „ჩვენ ჰოლივუდის დაჯილდოებაზე  ლოს ანჯელესში შევხვდით ერთმანეთს, როდესაც 18 – 19 წლის ვიყავით. მას შემდეგ ურთიერთობა შევინარჩუნეთ და შესანიშნავი მეგობრები გავხდით.“ – თქვა ემა სტოუნმა.

ტილორ სვიფტის და ემა სტოუნის მეგობრობის დამამტკიცებელი ერთ-ერთი ვერსია, თაყვანისმცემლების აზრით ტეილორის ალბომ Speak Now-ში შესული სიმღერაცაა, სახელწოდებით  When Emma Falls In Love. 

ნახეთ, ემა სტოუნის საახალწლო ინტერვიუ  გრეჰემ ნორტონის შოუში.

Share
Tweet
Share
Share
Share

წინა სტატია

სელენა გომესი მუსიკალური კარიერის დასრულებაზე მიანიშნებს

შემდეგი სტატია

ჯუნ კარტერ კეში June-ის ტრეილერში ჯონი კეშთან შეხვედრას იხსენებს

შეიძლება დაგაინტერესოთ

არიელ დევისის ილუსტრაცია

„ხელოვნური ინტელექტი და მუსიკალური ინდუსტრია. მუზების შერკინება”

ავტორი: Სერგი გვარჯალაძე  Ჩვენ ვცხოვრობთ ეპოქაში, სადაც ტექნოლოგიები  ცხოვრების ყველა ასპექტზე მოახდენს გავლენას. მუსიკალური ინდუსტრია კი ერთ-ერთი სფეროა,…
მეტი

მოსკოვის საკონცერტო დარბაზში მომხდარი თავდასხმის საქმეზე 11 პირია დაკავებული

ვლადიმირ პუტინის თქმით, დაკავებულთა შორისაა ოთხი ეჭვმიტანილი შეიარაღებული თავდამსხმელი, რომლებმაც, სულ მცირე, 133 ადამიანი მოკლეს.
მეტი