არიანა გრანდეს ბებია მარჯორი გრანდე, მეტსახელით ნონნა (იტალიურად ბებია) Billboard-ის მუსიკალურ ჩარტების ისტორიაში ყველაზე ასაკოვანი ადამიანი გახდა, რომელიც Billboard Hot 100-ში მოხვდა. 98 წლის ქალი ჩარტში წარმოდგენილია 55-ე ადგილზე სიმღერით Ordinary Things, რომელიც არიანამ მასთან ერთად ჩაწერა. უფრო კონკრეტულად კი სიმღერის ერთ-ერთ მონაკვეთში გრანდეს ბებიის საუბრის აუდიოჩანაწერი გვესმის. სიმღერა შესულია არიანა გრანდეს ახალ ჰიტად ქცეულ ალბომში Eternal Sunshine.
არიანა გრანდეს ბებიამ ფრედ სტობას რეკორდი მოხსნა, რომელიც 96 წლის იყო, როცა სიმღერით Oh Sweet Lorraine მუსიკალურ ჩარტებში მოხვდა. Green Shoe Studio-ს მიერ ჩაწერილ სიმღერას ჯეიკობ კოლგენი ასრულებს, ტექსტი კი სწორედ ფრედ სტობას ეკუთვნის. Oh Sweet Lorraine-ის აღნიშნული ჩანაწერი Hot 100-ის ჩარტში 2013 წელს მოხვდა და 42-ე ადგილს ერთი კვირის განმავლობაში იკავებდა.
ჩარტებში წარმოდგენილი ყველაზე ასაკოვანი არტისტების სიაში მესამე ადგილს ტონი ბენეტი იკავებს. ის 85 წლის იყო, როცა სიმღერით Body and Soul 2011 წელს Hot 100-ის ჩარტში მოხვდა.
„ყოველთვის ვიწერ ნონნას საუბარს, რადგან არასოდეს იცი, რას გეტყვის. ნონნას და მისი მეგობრის, შირლის 30-წუთიანი ჩანაწერი მქონდა”- აღნიშნა არიანა გრანდემ რადიო Apple Music 1-თან ინტერვიუში.
