2024 წლის  iHeartRadio-ს მუსიკალურ დაჯილდოებაზე ბიონსე ნოვატორის ჯილდოს მიიღებს

ღონისძიებას ამერიკელი მუსიკოსი და მსახიობი ლუდაკრისი წარადგენს.
Beyoncé ფოტო: მეისონ პული
Beyoncé ფოტო: მეისონ პული

პლატფორმა iHeartMedia-მ და FOX Entertainment-მა 21 მარტს ერთობლივი განცხადება გაავრცელეს, რის მიხედვითაც 2024 წლის iHeartRadio-ს მუსიკალურ დაჯილდოებაზე ბიონსეს ნოვატორის ჯილდო მიენიჭება. ამ ჯილდოს გამარჯვებულები გასულ წლებში ტეილორ სვიფტი, ალისია კისი, ბრუნო მარსი, U2, Chance the Rapper და სხვა ცნობილი შემსრულებლები არიან.

iHeartRadio-ს მუსიკალური დაჯილდოება 2024 წლის 1 აპრილს, ლოს-ანჯელესში,  Dolby Theatre-ში გაიმართება, სამი დღით ადრე კი, 29 მარტს, ბიონსე თავისი 2022 წლის სამმოქმედებიან ალბომ Renaissance-ის მეორე მოქმედებას წარადგენს.

2024 წლის iHeartRadio-ს მუსიკალურ დაჯილდოებას ამერიკელი მუსიკოსი და მსახიობი ლუდაკრისი გაუძღვება. 

„მოუთმენლად ველი 2024 წლის  iHeartRadio-ს მუსიკალურ დაჯილდოებას და საუკეთესო მუსიკოსებთან ერთად სცენის გაზიარებას. დარწმუნებული ვარ, ეს იქნება საოცარი საღამო, სადაც გულშემატკივრების რჩეულ არტისტებს დავაჯილდოვებთ“ – თქვა  ლუდაკრისმა.

iHeartRadio-ს ყოველწლიური მუსიკალური დაჯილდოება წელს მეთერთმეტედ გაიმართება. ღონისძიებაზე გასული წლის ყველაზე პოპულარულ შემსრულებლებსა და სიმღერებს გამოარჩევენ, რომელიც  iHeartRadio-ის ყველა მუსიკალურ პლატფორმაზე, იყო გაჟღერებული. ღონისძიების პირდაპირი ტრანსლაცია 1 აპრილს ტელეკომპანია FOX-ით გადაიცემა.

Share
Tweet
Share
Share
Share

წინა სტატია

რუსთაველის თეატრის სცენაზე ბექა გოჩიაშვილის კონცერტი გაიმართა

შემდეგი სტატია

მაიკლ ჯექსონის მემკვიდრეობის წარმომადგენლების თქმით, მომღერლის გარდაცვალების შემდეგ მისმა დედამ 55 მილიონი დოლარი მიიღო

შეიძლება დაგაინტერესოთ

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი