მულტიმედია არტისტმა მატაია უალდენბერგმა Creams-ის ტრეკის გარემიქსებული ვერსია წარადგინა

ბოლო თვეების განმავლობაში Creams-ის მსმენელმა არტისტის რამდენიმე მუსიკალური კოლაბორაცია მოისმინა. Creams-მა ითანამშრომლა Kordz-თან და ასევე ფრანგ არტისტთან, სასცენო სახელით Moodoid.
Creams/MATAYA Waldenberg IG

საერთაშორისო სცენაზე მოღვაწე მულტიმედია არტისტმა, მატაია უალდენბერგმა ქართველ მუსიკოს Creams-თან ითანამშრომლა. მატაიამ Creams-ის ტრეკის, PIE-ს გარემიქსებული ვერსია გამოსცა. 

კოლაბორაციის შესახებ Creams-მა  Billboard Georgia-სთან ისაუბრა. არტისტებმა ერთმანეთი ხუთი წლის წინ გაიცნეს, როცა მატაია უალდენბერგი კლუბ Gallery-ში უკრავდა. 

Creams: 

„ამის შემდეგ ერთმანეთთან მეგობრული კომუნიკაცია გვქონდა. როდესაც მომწერა, რომ ჩემი რომელიმე კრემის რემიქსს გააკეთება სურდა, Pie გავუგზავნე. როცა საბოლოო შედეგი მოვისმინე, ძალიან მომეწონა. აქამდე თუ ვინმესთან კოლაბორაცია მქონია, სამუშაო პროცესიც ერთობლივი იყო. PIE-ს რემიქსი სრულიად დისტანციურად გაკეთდა და მატაიამ საკუთარი ესთეტიკიდან გამომდინარე  ტრეკის საინტერესო ინტერპრეტაცია შექმნა.”

მატაია უალდენბერგის ნამუშევრები დამახასიათებელი ვიზუალური და მუსიკალური ხელწერით გამოირჩევა. არტისტის შესახებ ოფიციალურ ვებ გვერდზე ვკითხულობთ: „მატაია უალდენბერგი არის უცხოპლანეტელი ელფი კიბორგი, რომელიც ადამიანებმა გაზარდეს და მუსიკის საშუალებით ის თავის ნამდვილ სახეს იბრუნებს”

ბოლო თვეების განმავლობაში Creams-ის მსმენელმა არტისტის რამდენიმე მუსიკალური კოლაბორაცია მოისმინა. Creams-მა ითანამშრომლა Kordz-თან და ასევე ფრანგ არტისტთან, სასცენო სახელით Moodoid. 

Creams: 

„სხვა არტისტებთან თანამშრომლობა საინტერესო გამოცდილებაა. ეს ის პროცესია, როცა სხვისი სამყარო შენსას ხვდება და რაღაც სრულიად ახალი იქმნება. ახლაც ვმუშაობ რამდენიმე არტისტთან და ტრეკებს აუდიტორია მალე მოისმენს.”


2024 წლის სექტემბერში სადებიუტო LP გამოვა, რომლის სახელწოდება ჯერჯერობით უცნობია.

ფოტო: ნინუცა კაკაბაძე

„LP 14 ტრეკს აერთიანებს, თუმცა, ამ რიცხვის 12-მდე შემცირებას ვფიქრობ. პირველი სინგლის გამოცემას აპრილის ბოლოს ან მაისის დასაწყისში ვგეგმავ. ბევრი ვიფიქრე, თუ რომელი ნამუშევარი უნდა გამოქვეყნებულიყო პირველი და საბოლოოდ ავარჩიე სინგლი, რომელიც, ვფიქრობ, ალბომისათვის კარგი გამხსნელი იქნება. ეს არის ორწუთიანი ტრეკი, რომელიც მუსიკალურად მთლიანი ალბომის კონცეფციას კარგად ასახავს.”- ამბობს არტისტი.

Share
Tweet
Share
Share
Share

წინა სტატია

INXS მუსიკალური კლიპის Never Tear Us Apart-ის გამოსვლიდან 35 წლის იუბილეს აღნიშნავს

INXS-ის ცნობილი სიმღერის, Never Tear Us Apart -ის, უცნობი კადრები – ექსკლუზიური პრემიერა

შემდეგი სტატია

გიორგი გიგაშვილი Terence Judd-Hallé-ის პრესტიჟული ჯილდოს მფლობელი გახდა

შეიძლება დაგაინტერესოთ

Starring Georgia-ს ფარგლებში Massive Attack-ის კონცერტი გაიმართება

პირველად საქართველოში მსმენელს შესაძლებლობა ექნება, მოუსმინოს ჯგუფის ისეთი კომპოზიციების განახლებულ ვერსიებს, როგორიც არის Teardrop, Unfinished Sympathy და Paradise Circus.
მეტი
არიელ დევისის ილუსტრაცია

„ხელოვნური ინტელექტი და მუსიკალური ინდუსტრია. მუზების შერკინება”

ავტორი: Სერგი გვარჯალაძე  Ჩვენ ვცხოვრობთ ეპოქაში, სადაც ტექნოლოგიები  ცხოვრების ყველა ასპექტზე მოახდენს გავლენას. მუსიკალური ინდუსტრია კი ერთ-ერთი სფეროა,…
მეტი

Billboard-ის მუსიკალურ ჩარტში პირველი ადგილის დაკავების შემდეგ, ჰოზიერი მსმენელებს მადლობას უხდის

სიმღერის Too Sweet პირველ ადგილზე მოხვედრა მუსიკოსისთვის სიმღერების ჩარტში პირველი ლიდერი პოზიციაა.
მეტი