ბობ დილანის ცენტრმა პირველი სტიპენდიატები გამოაცხადა

პროექტის ფარგლებში სტიპენდიაზე $40,000-ის დაფინანსება გაიცემა.
ბობ დილანი 2023 წლის 23 სექტემბერს Ruoff Home Mortgage Music Center-ში. ფოტო: გარი მილერი
ბობ დილანი 2023 წლის 23 სექტემბერს Ruoff Home Mortgage Music Center-ში. ფოტო: გარი მილერი

25 წლის მომღერალი და სიმღერების ავტორი ნიგერიიდან თეგა ეთანი და 28 წლის ამერიკელი ტეილორ ზიკფუზი ბობ დილანის ცენტრის სიმღერების ავტორის პირველ სტიპენდიატთა შორის დასახელდნენ.

ეს არის Universal Music Publishing Group-ის (UMPG) და ბობ დილანის ცენტრის ინიციატივა ოკლაჰომას შტატშის ქალაქ ტალსაში. პროექტის ფარგლებში სტიპენდია ჯამში $40.000 აშშ დოლარს მოიცავს, რომელიც  საზოგადოების ჩართულობას, პრეზენტაციების შესაძლებლობას და ბობ დილანის არქივში წვდომის საშუალებას იძლევა. ლეგენდარული არტისტის შემოქმედებითი პროცესის შესასწავლად სტიპენდიანტი უზრუნველყოფილი იქნება ორმხრივი ავიაბილეთითა და საცხოვრებლით, ასევე მუსიკალური გამომცემლობის წარმომადგენლებთან და კომპოზიტორებთან კონსულტაციით, ხმის ჩამწერ სტუდიაში გამოყოფილი დროით და ა.შ.

პირველი ორი სტიპენდიატი წამყვანი არტისტების და კომპოზიტორთა გლობალური გაერთიანების მიერ შეირჩა, მათ შორის არიან ჯულიეტ არმანეტი, პეტი გრიფინი, ჯონ მელენკამპი, კარლა მორისონი და Nas. მონაწილეები საბოლოოდ ბობ დილანის სტიპენდიის ცენტრმა BDC და UMPG-ის აღმასრულებლებმა შეაფასეს.

„სიმღერების ავტორებს, რომლებიც თანამედროვე მუსიკალურ ინდუსტრიაში ცდილობენ განვითარდნენ, ისეთი წახალისება და მხარდაჭერა სჭირდებათ, რომელსაც ეს სტიპენდია იძლევა. ვულოცავ თეგას და ტეილორს ამ სტიპენდიის მიღებას და ვიმედოვნებ, რომ ისინი ტალსაში ყოფნის დროს შესანიშნავ კომპოზიციებს შექმნიან.“ ნათქვამია ჯონ მელენკამპის განცხადებაში.

ორგანიზატორების თქმით მსოფლიოს სხვადასხვა ქვეყნიდან პროექტის ფარგლებში ჯამში 600-ამდე ნამუშევარი იყო წარმოდგენილი. კრიტერიუმების მიხედვით, 2024 წლის 1 მაისამდე, მონაწილე სრულწლოვანი  უნდა ყოფილიყო.

BDC-ის მიერ გამოცხადებული პირველი სტიპენდია გასული წლის აგვისტოში გამოცხადდა, პროექტის ფარგლებში ყოველწლიურად ორი გამორჩეულად ნიჭიერი სტიპენდიატი დასახელდება, რომელიც ცენტრის მიერ დაფინანსდება.

BDC-ს კრეატიული სერვისების მენეჯერი ზაკ ფაულერი სტიპენდიატთა შერჩევის პროცესს განმარტავს: „ეს იყო უზომოდ რთული, მაგრამ სასიამოვნო გზა. მოხარულები ვართ თეგასა და ტეილორის მასპინძლობით ტალსაში და მოუთმენლად ველით მათ მუსიკას, რომელსაც აქ ყოფნის განმავლობაში შექმნიან“.

2025-2026 წლის სტიპენდიატებისთვის განცხადებების მიღება შემოდგომისთვის გამოცხადდება. დამატებითი ინფორმაციისთვის ეწვიეთ ბმულს: bobdylancenter.com/songwriterfellowship

Share
Tweet
Share
Share
Share

წინა სტატია

ედემი ხვიჩიას ომის დროს „დაკარგული“ ოჯახი და შეხვედრა ცოლ-შვილთან

შემდეგი სტატია

21 Savage Time-ის ყველაზე გავლენიან ადამიანთა სიაშია

შეიძლება დაგაინტერესოთ

ფრიდა კალოს მუზეუმის მიერ გავრცელებულ განცხადებაში ნათქვამია, რომ ტანსაცმელი, რომელიც მადონას სოციალურ ქსელში ატვირთულ ფოტოებში აცვია, მუზეუმის კოლექციას არ მიეკუთვნება

მუზეუმი მადონას მიერ ატვირთულ პოსტს გამოეხმაურა.
მეტი

გერმანელი გამომცემელი და რეჟისორი ანა მიულერი სოხუმის თეატრში ლექციას გამართავს

ანა მიულერი მსოფლიოში სახელგანთქმული მწერლის, პოეტისა და დრამატურგის, ჰაინერ მიულერის ქალიშვილია.
მეტი

ამერიკაში მოღვაწე ქართველმა პიანისტმა ლიანა ფაილოძე-ჰარონმა ქართული ნაწარმოებების ალბომი გამოსცა

ალბომი სახელწოდებით „ქართლი: საქართველოს ისტორიები” ქართველი კომპოზიტორების 12 ნაწარმოებს აერთიანებს.
მეტი

ტომ ჰენკსმა თავის შვილს სთხოვა, დრეიკის და კენდრიკ ლამარის დაპირისპირების ისტორია აეხსნა

„ეს ნამდვილი სიტყვების ომია. და ადამიანები ამაში მხარეებს ირჩევენ? ვინ იმარჯვებს?,” - ვკითხულობთ ტომ ჰენკსის მიწერილ ტექსტში.
მეტი
ANIK - mixtape 91011

ANIK-ის სადებიუტო მიქსთეიფი  – 91011

პროექტში შესული სამივე სიმღერა Dog Days, Burden და „დღე და ღამე” საერთო კონცეფციის მატარებელია, სადაც ქართული მუსიკის ელემენტები თანამედროვე ჟღერადობასთან არის შერწყმული.
მეტი