1-4 ივნისს გოგი თოდაძის სახელობის თბილისის საბავშვო და ახალგაზრდული თეატრების საერთაშორისო ფესტივალი გაიმართება. ფესტივალის ორგანიზატორები ეროვნული სასახლე და საქართველოს ხელოვნების სამეცნიერო-კვლევითი ინსტიტუტია. ღონისძიება თბილისის მერიის მხარდაჭერით ხორციელდება.
წლევანდელი პროგრამა 6 ქვეყნის 10-მდე სპექტაკლისგან შედგება. ბავშვებისთვისა და ახალგაზრდებისთვის ასევე ჩატარდება საერთაშორისო სემინარები თეატრის (როგორც თოჯინური, ასევე დრამატული) მიმართულებით. ფესტივალში პირველად მიიღებს მონაწილეობას ჩინეთის საბავშვო თეატრი, რომელიც ტრადიციულ ჩინურ ოპერას წარმოადგენს.
თბილისის საბავშვო და ახალგაზრდული თეატრების ფესტივალი 2018 წელს დაარსდა, 2022 წლიდან კი ის გოგი თოდაძის სახელს ატარებს. წელს ფესტივალი მეოთხედ ტარდება.
ფესტივალის მიზანია თეატრალური ხელოვნების პოპულარიზაცია, ნიჭიერი ახალგაზრდების წარმოჩენა, საბავშვო და ახალგაზრდული თეატრალური სტუდიების საერთაშორისო თანამშრომლობის ხელშეწყობა, მოზარდთა შემოქმედების ერთმანეთისთვის გაცნობა და გამოცდილების გაზიარება.
ფესტივალს მინიჭებული აქვს ევროპის კომისიის პროგრამის EFFE ხარისხის ნიშანი.
Სრული პროგრამა შეგილიათ იხილოთ ბმულზე.
