ტეილორ სვიფტი პრინც უილიამთან და მის შვილებთან ერთად კულისებში გადაღებულ ფოტოებს აქვეყნებს

„ლონდონური კონცერტები დიდებული სტარტით დაიწყო” – წერს მომღერალი.
ტეილორ სვიფტი უემბლის სტადიონზე
Jo Hale/Redferns

Eras Tour-ის ლონდონური კონცერტების პირველ ღამეს ტეილორ სვიფტი სამეფო ოჯახს შეხვდა. მომღერალი პრინც უილიამთან და მის შვილებთან, პრინც ჯორჯთან და პრინცესა შარლოტთან ერთად უემბლის სტადიონის კულისებში გადაღებულ ფოტოებს აქვეყნებს, სადაც მათთან ერთად სვიფტის ბოიფრენდი ტრევის კელსიც პოზირებს. ქეით მიდლტონი, რომელიც ამჟამად ქიმიოთერაპიის კურსს გადის და წყვილის უმცროსი ვაჟი ლუი ფოტოებში არ ჩანან.

კიდევ ერთი ფოტო გააზიარა თავად უელსის პრინცისა და პრინცესის ოფიციალურმა ინსტაგრამ გვერდმაც. ფოტოზე სვიფტი სამეფო ოჯახის წევრებთან ერთად სელფის იღებს. 

პრინცი უილიამი კამერებმა კონცერტის დროსაც დააფიქსირეს, როცა ის Shake It Off-ზე ცეკვავდა

ეს არ არის მომღერლისა და ინგლისის მომავალი მეფის პირველი შეხვედრა. 2013 წელს კენსინგტონის სასახლეში გამართული საქველმოქმედო კონცერტის დროს უილიამი ბონ ჯოვისა და სვიფტს სცენაზე შეუერთდა.

Eras Tour-ის ფარგლებში სვიფტი უემბლის სტადიონზე 21-23 ივნისს სამ კონცერტს გამართავს. ლონდონამდე პოპვარსკვლავს კონცერტი კარდიფში ჰქონდა. ეს სვიფტის პირველი გამოსვლა იყო უელსში, რომლის შემდეგაც მან ინსტაგრამზე პოსტი გამოაქვეყნა: „ეს მართლაც უკონტროლო იყო, ამის საუკეთესო მნიშვნელობით – მოხტუნავე და მოცეკვავე ადამიანთა ზღვის ყურება… ეს არასდროს დამავიწყდება.”

სვიფტმა, რომელმაც Eras Tour 2023 წლის მარტში დაიწყო, ცოტა ხნის წინ ფანებს გაუზიარა, რომ ხანგრძლივი ტურნე უკვე დასასრულს უახლოვდება. 13 ივნისს ლივერპულში გამართულ კონცერტზე მან აუდიტორიას მიმართა: „მეასე კონცერტი უკვე იმას ნიშნავს, რომ პირველად ვაანალიზებ და ვაღიარებ, რომ ეს ტური დეკემბერში დასრულდება.“

ნახეთ ტეილორ სვიფტისა და სამეფო ოჯახის ფოტოები:

Share
Tweet
Share
Share
Share

წინა სტატია

ჯასტინ ტიმბერლეიკმა დაკავების შემდეგ დუმილი დაარღვია

შემდეგი სტატია

კანიე უესტმა დონა სამერის წარმომადგენლობასთან Vultures 1-ში გამოყენებული სიმღერის საავტორო უფლებების საქმეზე შეთანხმებას მიაღწია 

შეიძლება დაგაინტერესოთ

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი