დოკუმენტურ ფილმ To The End-ის გადაღების დროს ჯგუფ Blur-ის წევრები მეცხრე სტუდიური ალბომის, The Ballad of Darren-ის მოსასმენად ინგლისში ხმის ჩამწერ სტუდიაში შეიკრიბნენ.
Billboard-თან საუბრისას გიტარისტი გრემ კოქსონი ამ მომენტს იხსენებს: „ეს ყველაფერი ძალიან კარგია, როცა ჯდები, იწყებ ტექსტის და მუსიკის შექმნას, მაგრამ სულ სხვა ემოციაა, როცა ამ ჩანაწერს უკვე უსმენ. ეს ძალიან ძლიერი გრძნობაა, სიმღერა უცებ აბსოლუტურად სხვა სახით იბადება.“
დოკუმენტური ფილმი To The End დიდი ბრიტანეთის და ირლანდიის კინოთეატრებში 19 ივლისს გამოდის. ფილმი ლეგენდარული ბრიტ-პოპ ჯგუფის წევრების მუსიკალურ მოგზაურობაზე გვიყვება, სადაც მათი ორი ტრიუმფალური შოუც არის ასახული, რომელიც 2023 წლის ივლისში ლონდონში, უემბლის სტადიონზე გაიმართა. დოკუმენტური ფილმის რეჟისორი ტობი L გახლავთ, რომელიც ასევე თანამშრომლობდა ორივია როდრიგოსთან და ლიემ გალაჰერთან.
ძალიან ბევრი არტისტია, რომელთაც უბრალოდ არ სურთ თავიანთი სუსტი მხარის წარმოჩენა, თუმცა, ვფიქრობ, მუსიკალური დოკუმენტური ფილმები სწორედ ამიტომაც არის ცოტა ცინიკური. Blur დათანხმდა ჩემ შეთავაზებას, სადაც დაუფარავად გვსურს სიმართლე ვაჩვენოთ. ჩვენ შევთანხმდით, რომ ეს არ უნდა ყოფილიყო მათი სარეკლამო ფილმი, სადაც ყველაფერი ლამაზად იქნებოდა წარმოჩენილი.“ – განაცხადა Billboard-თან საუბრისას რეჟისორმა ტობი L-მა.
ტობი L-ის თქმით, მიუხედავად იმისა, რომ 90-იანი წლების ბრიტ-პოპის ოპტიმიზმი დიდი ხანია გაქრა, ბრიტანელი მოზარდები მაინც იხრებიან ამ ჟანრისკენ. “თემები, რომლებზეც დეიმონი მღეროდა, განსაკუთრებული იყო იმ პერიოდისთვის, ეს იყო ადამიანური მდგომარეობა, ერთგვარი სატირა, რომელიც ახლაც საკმაოდ აქტუალურია.“
