Zgvaze Series არის კლუბ Mtkvarze-ს მიერ ორგანიზებული ფესტივალების სერია, რომელიც ზღვისპირას, ციხისძირში გაიმართება. ფესტივალის პირველი ღონისძიება 26-27 ივლისს, მეორე 9-10 აგვისტოს მესამე სერია კი 16-17 აგვისტოს არის დაგეგმილი.
Zgvaze Series ქართული ელექტრონული მუსიკის განვითარებისთვის ერთ-ერთი მნიშვნელოვანი მოვლენაა. ფესტივალის განმავლობაში სცენას 80-მდე არტისტი დაიკავებს. ელექტრონული მუსიკის ფესტივალზე ორი ლაივ პერფორმანსიც გაიმართება: Zgvaze სერიის პირველ კვირას ქუთაისში დაფუძნებული პოსტ-პანკ ბენდის – SKAZZ-ის ლაივი შედგება, ივენთების სერიის მომდევნო ღონისძიებაზე კი სცენა MAMAFLEX-ს დაეთმობა.
ქეთა გაბუნია – Zgvaze Series-ის ორგანიზატორი; კლუბი Mtkvarze-ს დამფუძნებელი:
„Zgvaze Series კლუბ Mtkvarze-ს მიერ ორგანიზებული ფესტივალია, რომელიც ივენთების სერიის სახით 3 უიქენდს მოიცავს. 2024 წლის ზაფხულში ფესტივალი ციხისძირში, პეტრას ციხესა და სანაპიროს შორის მდებარე უნიკალურ შენობაში და მის გარშემო არსებულ ღია ტერიტორიაზე გაიმართება, რომელიც აჭარის სუბტროპიკული ბუნებითაა გარშემორტყმული.
ციხისძირის ბუნება აჭარაში ყველაზე გამორჩეულია. ფესტივალის ლოკაციაში ყველა მისი თავისებურება იდეალურადაა წარმოდგენილი.
ფესტივალს ორი, Breeze და Wave სცენა ექნება და ორივეს ზღვასთან პირდაპირი კავშირი აქვს. Breeze ვერანდის ტიპის გადახურული სცენაა შენობის მესამე სართულზე, საიდანაც ულამაზესი ხედი იშლება შავ ზღვაზე. Wave სცენა ღია ცის ქვეშ, შენობის ეზოშია და ლაივ შემსრულებლებიც სწორედ ამ სცენაზე უკრავენ.
ფესტივალის ფარგლებში სამი 48-საათიანი ღონისძიებაა დაგეგმილი, სადაც 80-მდე ქართველი და საერთაშირისო DJ, სელექტორი და ლაივ შემსრულებელი ორ სხვადასხვა სცენაზე უკრავს“.
ნახეთ Zgvaze Series-ის ვიდეო, დაინტერესებულ პირებს კი ბილეთების შეძენა კი tkt.ge-ზე შეგეძლებათ.
