ლეგენდარული რეპერი, Snoop Dogg ოლიმპიური ცეცხლის გადაცემის ცერემონიაში მიიღებს მონაწილეობას. ოლიმპიური ცეცხლის ესტაფეტა 2024 წლის პარიზის ოლიმპიადის გახსნის ცერემონიაზე შედგება.
კალვინ ბროდუს უმცროსმა, სასცენო სახელით Snoop Dogg 23 ივლისს სოციალურ მედიაში ფოტო გამოაქვეყნა: „მზად ხარ? 2024 წლის პარიზის ოლიმპიადისთვის?”
„ეს უნდა გავაკეთო! უყურებთ? #FollowTheDogg #ParisOlympics.” დაამატა რეპერმა.
Snoop Dogg ჩირაღდანს პარიზის ჩრდილოეთ გარეუბანში სენ-დენის ქუჩებში გაიტანს, სადაც სტად დე ფრანსის ოლიმპიური სტადიონია განთავსებული.
ამერიკელი რეპერი Snoop Dogg, გარდა ოლიმპიური ჩირაღდნის ტარებისა, ასევე მოწვეული კორესპონდენტია, რომელიც პარიზის ოლიმპიურ თამაშებს გააშუქებს.
“ოლიმპიადების ყურებით გავიზარდე. მიხარია, რომ არაჩვეულებრივი სპორტსმენების საუკეთესო გამოსვლებს ვიხილავ პარიზში. ეს არის ოსტატობის, თავდადებისა და სიდიადისკენ სწრაფვის დღესასწაული.” – განაცხადა NBC-ის კორესპონდენტმა Snoop Dogg-მა 2024 წლის ოლიმპიადაზე.
