კომპანია Searchlight Pictures-ის თქმით, რეჟისორ ჯეიმს მანგოლდის მიერ ბობ დილანის შესახებ გადაღებული ბიოგრაფიული ფილმი A Complete Unknown კინოთეატრებში 25 დეკემბერს გამოვა.
ფილმში Dune-ის მთავარი გმირი ტიმოთე შალამე თამაშობს და მსახიობი დილანის სიმღერებს თავად ასრულებს. ფილმის აღწერის თანახმად, „იდუმალებით მოცული 19 წლის რევოლუციური ნიჭით დაჯილდოებული ახალგაზრდა მინესოტიდან ნიუ-იორკის ვესტ-ვილიჯში გიტარით ჩადის, სადაც ამერიკული მუსიკის მიმართულების შეცვლა აქვს განზრახული.“
ფილმში ტიმოთე შალამეს გარდა ასევე მონაწილეობენ ედვარდ ნორტონი, ელ ფენინგი, მონიკა ბარბარო და ბოიდ ჰოლბრუკი.
ოსკარზე ნომინირებულმა ტიმოთე შალამემ ლეგენდარული მუსიკოსის როლისთვის პირველი შექება უკვე დაიმსახურა. ივლისის ბოლოს ფილმის პირველი თრეილერი გამოვიდა, სადაც ტიმოთე შალამე ბობ დილანის სიმღერას A Hard Rain’s A-Gonna Fall-ს მღერის.
ნახეთ ფილმ A Complete Unknown-ის თრეილერი:
