ტეილორ სვიფტმა ლონდონში უემბლის სტადიონი მერვედ გაანათა და ამით Eras ტურნეს კიდევ ერთი, ახალი რეკორდი დაამყარა.
სუპერვარსკლავი პირველი სოლო არტისტია, რომელმაც ერთი ტურნეს განმავლობაში უემბლის სტადიონზე კონცერტი რვაჯერ გამართა. ამ ფაქტის აღსანიშნავად უემბლის სტადიონმა ტეილორ სვიფტს სპეციალურად დამზადებული ფირუზისფერი გიტარა უსახსოვრა. გიტარას ტეილორ სვიფტის სიმღერა Love Story-ით შთაგონებული ტექსტი აქვს თანდართული: „შეხვედრამდე, ტეილორ, ეს იყო უემბლის სიყვარულის ისიტორია“. გიტარაზე ტეილორ სვიფტის კონცერტის თარიღებია დატანილი.
უემბლის სტადიონი ინსტაგრამ პოსტში ტეილორ სვიფტს რვა დაუვიწყარი კონცერტისთვის მადლობას უხდის და ულოცავს, რადგან იგი ყველაზე გაყიდვადი ქალი შემსრულებელი გახდა, ვინც ოდესმე უემბლის სტადიონზე გამოსულა.
„იმის აღსანიშნად, რომ ტეილორ სვიფტი გახდა პირველი სოლო შემსრულებელი, რომელსაც უემბლის სტადიონზე ერთი ტურნეს განმავლობაში რვაჯერ დაუკრავს, ჩვენ მას პერსონალური უემბლის გიტარა ვაჩუქეთ. შეხვედრამდე, ტეილორ, ეს ყველაფერი ძალიან შთამბეჭდავია. სიყვარულით, უემბლის სტადიონი,” – აღნიშნულია თანდართულ ბარათში.
ლონდონის უემბლის სტადიონზე ტეილორ სვიფტს შესრულებული აქვს ისეთი სიმღერებიც, როგორებიც არის London Boy და So Long London. კონცერტებზე სუპერვარსკვლავს სპეციალურად მოწვეული სტუმრები ჰეილი უილიამსი, ედ შირანი, ჯეკ ანტონოფი და ფლორენს უელჩი ჰყავდა.
ნახეთ უემბლის სტადიონის ინსტაგრამ პოსტი:
