50 Cent-მა ჰოლივუდში თავდასხმის შესახებ გავრცელებულ ჭორებზე განცხადება გააკეთა და მას „ყალბი ამბავი“ უწოდა.
„არ ინერვიულოთ, გადავრჩი, რადგან ეს ცრუ ინფორმაციაა.“ – დაწერა რეპერმა 9 მარტს ინსტაგრამზე და თან TikTok-ის ვირუსულად გავრცელებული ვიდეოს სქრინი გააზიარა, სადაც წყაროდ TMZ იყო მითითებული.
როგორც აღმოჩნდა, TMZ-ის ვებგვერდსა და სოციალურ მედიაში ბოლო დღეებში 50 Cent-ზე სავარაუდო თავდასხმის შესახებ არავითარი ინფორმაცია არ გამოქვეყნებულა.
სოციალურ ქსელში კი ბევრი გამოთქვამდა მოსაზრებას, თითოს ეს ამბავი ძველ ფაქტთან იყო დაკავშირებული, როდესაც 2000 წელს რეპერს მუსიკალური კარიერის დაწყებამდე, ქუინსში, ბებიის სახლთან ცხრაჯერ ესროლეს. ეს ამბავი დიდი ხანია, 50 Cent-ის რეპ-საგების ნაწილი გახდა, რომელიც მის დისკოგრაფიასთანაც არის კავშირში, მათ შორის, სიმღერებში Many Men და 9 Shots.
ვირუსულად გავრცელებულ ცრუ ინფორმაციას 50 Cent-ისთვის განწყობა არ გაუფუჭებია, ამ პერიოდში მას საკმაოდ დატვირთული შემოქმედებითი პერიოდი აქვს, რადგან პოპულარული ამერიკული სერიალის Power Book III: Raising Kanan, მეხუთე სეზონი 7 მარტს დაიწყო, რომლის აღმასრულებელი პროდიუსერიც თავად არის.
ნახეთ 50 Cent-ის ინსტაგრამ პოსტი.
