ტეილორ სვიფტი პრეზიდენტობის კანდიდატ კამალა ჰარისს მხარდაჭერას უცხადებს

„მჯერა, რომ ჩვენს ქვეყანას მეტის მიღწევა შეუძლია, თუ ჩვენ სიმშვიდით და არა ქაოსით ვიხელმძღვანელებთ”, – აცხადებს სვიფტი
ტეილორ სვიფტი The Eras - ტურნეზე, 2024 წლის 29 მაისი, ესპანეთი Xavi Torrent/TAS24/Getty Images for TAS Rights Management
ტეილორ სვიფტი The Eras – ტურნეზე, 2024 წლის 29 მაისი, ესპანეთი
Xavi Torrent/TAS24/Getty Images for TAS Rights Management

ტელორ სვიფტმა აშშ-ში 2024 წლის საპრეზიდენტო არჩევნებისთვის კამალა ჰარისისა და ტიმ უოლცის მხარდასაჭერი პოსტი გამოაქვეყნა.

პოპ-ვარსკვლავმა ინსტაგრამზე პოსტი კამალა ჰარისისა და დონალდ ტრამპის პირველი დებატების შემდეგ გამოაქვეყნა, სადაც მას 238 მილიონი გამომწერი ჰყავს. მომღერალმა შეაქო კამალა ჰარისი და მას ძლიერი, ნიჭიერი და მებრძოლი ლიდერი უწოდა, რომელიც LGBTQ+ და ქალთა რეპროდუქციულ უფლებებს იცავს. 

პოსტს თან ტეილორ სვიფტის და მისი კატის, ოლივია ბენსონის ფოტო ახლავს. არტისტი ამბობს, რომ დებატების შემდეგ კვლევა ჩაატარა, თუ რომელი კანდიდატისთვის დაეჭირა მხარი.

„როგორც ბევრი თქვენგანი, მეც დავინტერესდი დებატებით. თუ ჯერ კიდევ არ გაგიკეთებიათ არჩევანი, ახლა კარგი დროა, პატარა კვლევა ჩაატაროთ, რომელიც  განსახილველ საკითხებსა და იმ პოზიციებს შეეხება, რომლებიც თქვენთვის, როგორც ამომრჩევლისთვის, მნიშვნელოვანია. როგორც ამომრჩეველს, მნიშვნელოვნად მიმაჩნია, რომ ვუყურო და თვალი ვადევნო კანდიდატების მიერ შეთავაზებულ პოლიტიკასა და სამომავლო გეგმებს.

ტეილორ სვიფტის განცხადება გარკვეულწილად გავრცელებული დეზინფორმაციის გაბათილებისკენ იყო მიმართული. სოციალურ ქსელში AI-ს მიერ გენერირებული ყალბი სურათი გავრცელდა, სადაც ჩანს, რომ ტეილორი დონალდ ტრამპს უჭერს მხარს, ფოტო კი დონალდ ტრამპმა აგვისტოში მის ოფიციალურ ვებსაიტზე გამოაქვეყნა.

“ამ ყველაფერმა ხელოვნური ინტელექტისადმი შიში გამიჩინა, დეზინფორმაცია კი ნამდვილად საშიში მექანიზმია, რომელიც ყალბ ინფორმაციას ავრცელებს“, – წერს ტეილორ სვიფტი.

პოპ-ვარსკვლავის მხარდაჭერამ კანდიდატების ყურადღებაც მიიპყრო.

MSNBC-ის სატელევიზიო გადაცემაში დემოკრატიული პარტიის ვიცე-პრეზიდენტობის კანდიდატმა ტიმ უოლცმა ტეილორის მხარდაჭერა მოიწონა და მას მადლობა გადაუხადა.

„მინდა უღრმესი მადლობა გადავუხადო ტეილორ სვიფტს, ჩვენ ასეთი სითამამე ამერიკაში ნამდვილად გვჭირდება.“ – განაცხადა ტიმ უოლცმა.

ტეილორ სვიფტმა გამომწერებს მოუწოდა, კანდიდატების შესახებ მცირე კვლევა ეწარმოებინათ და შემდეგ გადაეწყვიტათ, ვის დაუჭერდნენ ხმას.

ეს არ არის პირველი შემთხვევა, როდესაც არტისტი დემოკრატებს უჭერს მხარს. 2020 წელს მან მხარი დაუჭირა პრეზიდენტ ბაიდენს და ვიცე-პრეზიდენტ ჰარისს.

გამომდინარე იქიდან, რომ ტეილორ სვიფტს თაყვანისმცემლების მთელი არმია ჰყავს, მისმა  ბოლოდროინდელმა მხარდაჭერამ შესაძლოა დიდი ზეგავლენა მოახდინოს ახალგაზრდა ამომრჩევლებზე.

ნახეთ ტეილორ სვიფტის ინსტაგრამ პოსტი:

Share
Tweet
Share
Share
Share

წინა სტატია

ქართული ბენდი Psychonaut 4 მექსიკაში მრავალათასიანი აუდიტორიის წინაშე წარდგა

შემდეგი სტატია

ბენ სტილერი 2022 წლის Gotham-ის დაჯილდოებაზე, 2022 წლის 28 ნოემბერი, ნიუ-იორკი Theo Wargo/Getty Images

ბენ სტილერის თქმით კენდრიკ ლამარის მისი ფავორიტი სიმღერაა Euphoria

შეიძლება დაგაინტერესოთ

ბენ აფლეკი ჯენიფერ ლოპესთან განქორწინების შესახებ ალაპარაკდა: „ის არის ადამიანი, რომელსაც დიდ პატივს ვცემ“

მსახიობმა ისაუბრა, თუ როგორ იმოქმედა მის ქორწინებაზე ყოფილი ცოლის მიერ გადაღებულმა 2024 წლის დოკუმენტურმა ფილმმა.
მეტი

ხატია ბუნიათიშვილი საპროტესტო აქციებზე დაკავებულთა მხარდასაჭერ პოსტს აქვეყნებს

„გაათავისუფლეთ სინდისის პატიმრები. თუ გირჩევნიათ, ასე გეტყვით - გთხოვთ, გაათავისუფლეთ სინდიდის პატიმრები!” - წერს პიანისტი.
მეტი
50 Cent - 2024 წლის, 6 ივნისი, ნიუ იორკი. ფოტო სლავენ ვლასიც/Getty Images

50 Cent-მა მისი  დაჭრისა და ჰოსპიტალიზაციის შესახებ გავრცელებული ჭორები უარყო

გავრცელდა ჭორები, თითქოს რეპერს ჰოლივუდში ესროლეს და ამის გამო სასამართლოშიც კი აღმოჩნდა. 50 Cent-მა განცხადება გააკეთა.
მეტი
Imagine Dragons Eric Ray Davidson

Imagine Dragons-მა სიმღერა მთვარეზე გაგზავნა, თუმცა მისი ტრანსლაციის გეგმა წარუმატებელი აღმოჩნდა

Althena-ს კოსმოსური აპარატის წარუმატებელი დაშვების გამო, Imagine Dragons-ის სიმღერა დედამიწიდან მთვარეზე ვერ გადაიცა
მეტი
კანიე უესტი 67-ე ყოველწლიურ გრემის დაჯილდოებაზე 2025 წლის 2 თებერვალი ლოს ანჯელესი Matt Winkelmeyer/Getty Images

კანიე უესტმა ღონისძიებების სერიის  Sunday Service-ის დაბრუნება დააანონსა და კუ-კლუქს-კლანის მოსასხამის ფოტო გამოაქვეყნა

„დღის ლუქი“ – დაწერა რეპერმა ფოტოს აღწერაში, რომელიც Sunday Servic-ის დაბრუნებას 2025 წლის 16 მარტს აპირებს
მეტი