ლეგენდარული Jackson 5-ის გიტარისტი ტიტო ჯექსონი 70 წლის ასაკში გარდაიცვალა

გამოცემა PEOPLE-მა ინფორმაცია ტიტოს ძმისშვილის, სიგი ჯექსონისგან მიღებული ინფორმაციით დაადასტურა
ტიტო ჯექსონი
ტიტო ჯექსონი

გამოცემა Entertainment Tonight-ის თანახმად, თავდაპირველად ტიტო ჯექსონის გარდაცვალების შესახებ ინფორმაცია ჯექსონების ოჯახის დიდი ხნის მეგობარმა,  სტივ მანინგმა გაავრცელა. მისი თქმით, ტიტო ჯექსონი სავარაუდოდ გულის შეტევით, ნიუ-მექსიკოდან ოკლაჰომაში მგზავრობის დროს გარდაიცვალა. მოგვიანებით ჟურნალს People ტიტოს დისშვილმა, სიგი ჯექსონმა დაუდასტურა ინფორმაცია.

ტიტო ჯექსონი 1953 წლის 15 ოქტომბერს ინდიანას შტატში დაიბადა. მუსიკა მისი ოჯახური დინასტიის განუყოფელი ნაწილი იყო. 1960-იან წლებში ტიტომ ძმებთან, მაიკლთან, ჯერმეინთან, მარლონთან და ჯეკისთან ერთად ბენდი The Jackson 5 დააარსა. მოგვიანებით, 1997 წელს, ბენდი როკ-ენ-როლის დიდების დარბაზში შეიყვანეს.

ტიტოს რიტმ გიტარის პარტიებითა და  ძმების ჰარმონიული ხმებით ძმებმა მუსიკალურ წარმატებას მალევე მიაღწიეს.  1968 წელს ბენდმა Motown Records-თან გააფორმა ხელშეკრულება. მათი სადებიუტო სინგლი I Want You Back  სენსაციად იქცა და ბილბორდ 100-ში პირველ ადგილს მიაღწია, ისევე, როგორც მათმა შემდგომმა ჰიტებმა – ABC და I’ll Be There.

მიუხედავად იმისა, რომ საოჯახო ბენდში უმცროსი ძმა მაიკლი ხშირად იპყრობდა ყურადღებას, ტიტოს ბენდში ყოფნას წარმატებისთვის გადამწყვეტი მნიშვნელობა ჰქონდა.  The Jackson 5-ის სადებიუტო ალბომმა Diana Ross Presents The Jackson 5 (1969) დასაბამი მისცა ბენდის საოცარ პოპულარობას. ამ ეპოქის მრავალი ტრეკი კი მუსიკალური კულტურის სტანდარტად იქცა.

1970-იან წლებში ბენდმა რებრენდიგი განიცადა, სახელი შეიცვალა და The Jacksons-ის სახელით გამოდიოდა. ტიტომ 1980-იან წლებში ძმებთან ერთად მრავალი ტურნე და შოუ გამართა. მას უდიდესი წვლილი აქვს ალბომების Destiny და Triumph-ის შექმნაში, რომელმაც ბილბორდ 200-ში და R&B ჩარტებში დიდ წარმატებას მიაღწია.

The Jackson 5-თან მუშაობის გარდა, 2016 წელს, ტიტო ჯექსონმა სოლო კარიერა დაიწყო, გამოსცა სადებიუტო ალბომი Tito Time, მისმა სინგლმა Get It Baby კი ბილბორდის Adult R&B Airplay ჩარტში მეცხრამეტე ადგილი დაიკავა.

ტიტო ჯექსონს ჰყავს სამი ვაჟი – ტაჯი, ტარილი და ტიჯეი, რომლებმაც  საკუთარი მუსიკალური ჯგუფი, 3T შექმნეს.

Share
Tweet
Share
Share
Share

წინა სტატია

დონალდ ტრამპი სოციალურ ქსელში წერს, რომ მას ტეილორ სვიფტი სძულს

შემდეგი სტატია

Super Bowl-ის მუსიკალური შოუს პროდიუსერის თქმით, ჰედლაინერზე საბოლოო გადაწყვეტილება ჯეი ზის ეკუთვნის

შეიძლება დაგაინტერესოთ

ელტონ ჯონი და ბრენდი კარლაილი ფოტო: პეგი სიროტა

ელტონ ჯონის და  ბრენდი კარლაილის კოლაბორაციული ახალი ალბომი  Who Believes in Angels?

5 აპრილს დუეტი შაბათის ღამის შოუში მუსიკალური სტუმრის სტატუსით წარდგება, მეორე დღეს კი ალბომის აღსანიშნად კონცერტს გამართავენ.
მეტი

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი