როგორც ჩანს, მადონა ფილმ Emilia Pérez-ის დიდი გულშემატკივარია. ფილმის რეჟისორი ჟაკ ოდიარია, სელენა გომესი კი ჯესი დელ მონტეს როლს ასრულებს. ფილმის ჩვენება 30 სექტემბერს, ნიუ-იორკის კინოფესტივალზე, ლინკოლნის ცენტრში გაიმართა. ღონისძიების შემდეგ კი მადონა მსახიობებთან და ქორეოგრაფ დამიენ ჯალეთთან ერთად წვეულებას დაესწრო.
Netflix-მა ინსტაგრამზე მადონას და ფილმის შემოქმედებითი გუნდის ფოტოები გააზიარა. მოგვიანებით პოპის დედოფალმა ინსტაგრამში ფოტოები გავრცელა, სადაც ფილმის ქორეოგრაფ დამიენ ჯალეთს გენიოსი უწოდა, თავად ფილმი კი შედევრად მოიხსენია.
წლის დასაწყისში სელენა გომესმა და ფილმ Emilia Pérez-ის მსახიობმა ზოი სალდანიამ, კარლა სოფია გასკონმა და ადრიანა პაზმა ფილმში შესრულებული როლებისთვის კანის კინოფესტივალზე საუკეთესო მსახიობი ქალის ჯილდო მოიპოვეს.
ესპანურენოვანი მუსიკალური თრილერი Emilia Pérez მექსიკელი ნარკობარონის ისტორიას მოგვითხრობს. ფილმი ნოემბერში მსოფლიოს რამდენიმე კინოთეატრში გამოვა, ხოლო აშშ-ში, კანადასა და დიდ ბრიტანეთში 13 ნოემბრიდან Netflix-ზე იქნება ხელმისაწვდომი.
აღსანიშნავია, რომ ცოტა ხნის წინ სელენა გომესი მილიარდერი გახდა. Bloomberg-ის 6 სექტემბრის მონაცემების მიხედვით, ის კოსმეტიკური ბრენდის, Rare Beauty-ის წარმატების წყალობით გამდიდრდა.
