დეტროიტში, კამალა ჰარისის მხარდამჭერ შეხვედრაზე, რომელშიც ემინემიც მონაწილეობდა, ბარაკ ობამამ Lose Yourself გარეპა

ობამა სცენაზე ემინემმა წარადგინა და საზოგადოებას არჩევნებში მონაწილეობისაკენ მოუწოდა.
ემინემი. ფოტო: John Smolek/Icon Sportswire/Getty Images

შეერთებული შტატების ყოფილ პრეზიდენტ ბარაკ ობამას მნიშვნელოვანი მუსიკალური მომენტი ჰქონდა, როცა 22 ოქტომბერს კამალა ჰარისისა და ტიმ უოლცის შეხვედრაზე გამოვიდა. შეხვედრა დეტროიტში 2024 წლის საპრეზიდენტო არჩევნების კამპანიის ფარგლებში გაიმართა.

ობამა ემინემმა წარადგინა: „მე დღეს აქ ვარ რამდენიმე მიზეზის გამო. როგორც ბევრი თქვენგანისათვის ცნობილია, ქალაქი დეტროიტი და მშობლიური შტატი მიჩიგანი ძალიან მნიშვნელოვანია ჩემთვის. ამ არჩევნებში საკუთარი ხმის გამოყენება აუცილებელია. ამიტომ ყველას მოვუწოდებ, რომ არჩევნებში მონაწილეობა მიიღონ,“ – მიმართა ემინემმა აუდიტორიას.  „ასევე ვფიქრობ, რომ ხალხს არ უნდა ეშინოდეს საკუთარი აზრის გამოხატვის. არავის სურს ისეთი ამერიკა, სადაც ადამიანებს ეშინიათ, თუ რა შეემთხვევათ საკუთარი აზრის ღიად დაფიქსირების შემთხვევაში. ვფიქრობ, ვიცე-პრეზიდენტი ჰარისი მხარს უჭერს ამ ქვეყნის ისეთ მომავალს, სადაც ეს და კიდევ ბევრი სხვა უფლება დაცული და გარანტირებული იქნება.“

ამის შემდეგ სცენაზე ობამა ავიდა, სადაც აუდიტორიას ხუმრობით მიმართა : „უნდა ვთქვა, ბევრი შეხვედრა მაქვს გამართული. ასე რომ, ჩვეულებრივ არ ვნერვიულობ ხოლმე, მაგრამ ემინემის შემდეგ უჩვეულოდ ვგრძნობ თავს.“

ყოფილმა პრეზიდენტმა შემდეგ ემინემის ჰიტის, Lose Yourself-ის შესავლის გარეპვა დაიწყო.  მხურვალე აპლოდისმენტების შემდეგ ობამამ იხუმრა: „მეგონა, ემინემი გარეპავდა და მე ამის ფონზე სცენაზე გამოვიდოდი.“

Share
Tweet
Share
Share
Share

წინა სტატია

ალ პაჩინო Scarface-ის წარმატებას ჰიპ-ჰოპ თემის დამსახურებად მიიჩნევს

შემდეგი სტატია

Anana Kaye

ამერიკაში მოღვაწე ქართული ინდი-ალტ დუოს, Anana Kaye-ს, ახალი სიმღერა Running From Love

შეიძლება დაგაინტერესოთ

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი