Diddy-ს შვილმა კინგი კომბსმა გადაწყვიტა, მამის ინსტაგრამ ანგარიში მართოს და 2025 წელს ჩანიშნულ სასამართლო პროცესამდე მასზე პოზიტიური ინფორმაციები გაავრცელოს.
შონ კობსის ოფიციალურ ინსტაგრამ გვერდზე 6 ნოემბერს კინგი კომბსის ვიდეო მიმართვა გამოქვეყნდა. ვიდეოში კინგი კომბსი აცხადებს, რომ იგი ძველი ვიდეოების გაზიარებას აპირებს, სადაც Diddy პოზიტიურ კონტექსტში იქნება წარმოდგენილი.
„გამარჯობა, მე კინგი კომბსი ვარ და ამ მომენტში მამაჩემის ინსტაგრამ ანგარიშს ვმართავ. ჩვენ გაგიზიარებთ ვიდეოებს, რომლებიც დადებითი კუთხით დაგანახებთ შონ კომბსს, ასე რომ ყურადღებით იყავით და თვალი გვადევნეთ, მიყვარხარ მამა.”- ამბობს კინგი კომბსი.
რამდენიმე კვირის წინ შონ კობსის შვილებმა სოციალურ ქსელში ერთობლივი განცხადებაც გაავრცელეს: „გასული თვე ოჯახისთვის დამანგრეველი აღმოჩნდა. შეთქმულების თეორიებისა და ცრუ ნარატივების საფუძველზე ბერს უარყოფითი დამოკიდებულება ჩამოუყალიბდა როგორც შონ კობსზე, ასევე ჩვენზე. ჩვენ ერთად ვდგავართ და თითოეულ მის ნაბიჯს ვუჭერთ მხარს. ვდგავართ სიმართლის მხარეს, რადგან ვიცით, რომ ის გაიმარჯვებს და ვერაფერი დაანგრევს ჩვენი ოჯახის სიძლიერეს, გვიყვარხარ და გვაკლიხარ მამა.”
შონ კომბსი ნიუ-იორკში 16 სექტემბერს დააკავეს, მას შემდეგ, რაც მას ნაფიც მსაჯულთა სასამართლომ სექსუალური ძალადობის კუთხით ბრალი წაუყენა. 2023 წლის 16 ნოემბერს კომბსის ყოფილმა პარტნიორმა კასი ვენტურამ მის წინააღმდეგ სარჩელი შეიტანა, რამაც მუსიკოსის კარიერას დიდი ზიანი მიაყენა.
შონ კომბსმა ამასთან დაკავშირებით მალევე დადო განცხადება: „ჩვენ გადავწყვიტეთ, რომ საკითხი მეგობრულად მოგვეგვარებინა. ვუსურვებ კასის და მის ოჯახს ყველაფერ საუკეთესოს.“
აღსანიშნავია, რომ შონ კობსის სასამართლო პროცესი 2025 წლის 5 მაისს არის ჩანიშნული.
