Machine Gun Kelly-სა და მეგან ფოქსის ოჯახი მალე გაიზრდება. 11 ნოემბერს მსახიობმა გულშემატკივრებს მოულოდნელად განუცხადა, რომ ორსულადაა და პირველ შვილს ელოდება. თითქმის ერთი წელი გავიდა მას შემდეგ, რაც მეგან ფოქსმა პარტნიორთან, მუსიკოს Machine Gun Kelly-სთან ერთად პირველი ორსულობის შეწყვეტაზე ისაუბრა.
ფოქსმა ინსტაგრამზე ორი ფოტო გამოაქვეყნა. პირველ მათგანში მსახიობი თავად პოზირებს, მეორეში კი ორსულობის დამადასტურებელი ტესტი ჩანს.
„სინამდვილეში არაფერი არასდროს იკარგება, კეთილი იყოს შენი დაბრუნება 👼🏼❤️” – აღნიშნა პოსტში მეგან ფოქსმა და ფოტოზე MGK მონიშნა.
მიუხედავად იმისა, რომ მომავალი ბავშვი MGK-სა და მეგან ფოქსის პირველი საერთო შვილი იქნება, წყვილს წინა ურთიერთობებიდან უკვე ჰყავთ შვილები.
Machine Gun Kelly-ს ყოფილი მეუღლისგან, ემა კანონისგან 2009 წელს გოგონა შეეძინა, მეგან ფოქსს კი ყოფილი ქმრისგან, ბრაიან ოსტინ გრისთან სამი ვაჟი ჰყავს.
Machine Gun Kelly-მ და მეგან ფოქსმა ურთიერთობა 2020 წელს დაიწყეს. წყვილი 2022 წლის იანვარში დაინიშნა, თუმცა 2023 წელს მათ ურთიერთობაში ბზარის გაჩენის შესახებ ჭორები მას შემდეგ გავრცელდა, რაც მეგან ფოქსმა ინსტაგრამზე ბიონსეს სიმღერიდან ტექსტი გამოაქვეყნა: „შეგიძლია იგრძნო სიცრუე, ის შენს სუნთქვაშია.” მოგვიანებით მსახიობმა განმარტა, რომ მათ ურთიერთობაში მესამე პირი არ ყოფილა.
2023 წლის მარტში მეგან ფოქსმა ნიშნობის ჩაშლის შესახებ ინფორმაცია დაადასტურა: “ვფიქრობ, ამ ეტაპზე არ მაქვს სურვილი კომენტარი გავაკეთო ჩვენ ურთიერთობაზე. თუმცა, შემიძლია ვთქვა, რომ ის ჩემი მონათესავე სულია, რაც არ უნდა მოხდეს მასთან ყოველთვის იქნება კავშირი.” განაცხადა მეგან ფოქსმა Call Her Daddy-ს შოუში ალექს კუპერთან საუბრისას.
მეგან ფოქსმა MGK-სთან ურთიერთობის დროს 2023 წლის ნოემბერში ორსულობის დაკარგვის შესახებ ღიად ისაუბრა: „არასდროს გამომივლია მსგავსი რამ ცხოვრებაში, მე სამი შვილი მყავს. ეს ძალიან რთული იყო ორივესთვის, ვცდილობდით გაგვერკვია, რატომ მოხდა ეს?” – გაიხსენა მეგან ფოქსმა Good Morning America-სთან საუბრისას.
