პრესტიჟული ჯილდოს მოპოვება ახალგაზრდა მეცნიერებსა და ხელოვანებს მნიშვნელოვანი ნამუშევრების წყალობით შეუძლიათ, სადაც ზურაბ ჟვანიას ფონდის მიერ ორგანიზებული პროექტის ფარგლებში ლაურიატები სხვადასხვა დარგში გამოვლინდებიან.
2024 წლის ერთ-ერთი მნიშვნელოვანი მოვლენის, „წინანდლის პრემიის“ ლაურეატების გამოვლენა ხუთშაბათს, 12 დეკემბერს, დიზაინის ინსტიტუტში მოხდება, სადაც წლის განმავლობაში შექმნილი მნიშვნელოვანი პროექტების წარდგენა მეცნიერებსა და ხელოვანებს რვა ნომინაციაში შეეძლოთ.
2024 წლის „წინანდლის პრემიის“ ნომინანტების სრული სია ასე გამოიყურება:
თეატრალური ხელოვნება:
ნატალია გაბისონია, მსახიობი
ანანო მახარაძე, მსახიობი
დავით თარბა, რეჟისორი
კინოხელოვნება:
ნიკა ოდიშელიძე, რეჟისორი
ლევან ცხოვრებაძე, რეჟისორი
ია ხიზანიშვილი, რეჟისორი
მუსიკალური ხელოვნება:
დავით ჯიქია, კომპოზიტორი
გაბრიელ ხარაბაძე, კომპოზიტორი
ბექა სიხარულიძე, პიანისტი
მხატვრული ლიტერატურა (პოეზია):
ნატალია დარასელია, პოეტი
ნიქო გორგილაძე, პოეტი
გიორგი ხარაიშვილი, პოეტი
მხატვრული ლიტერატურა (პროზა):
ოლანი ბიწაძე, მწერალი
ლაშა მილორავა, მწერალი
დაჩი ახვლედიანი, მწერალი
საბუნებისმეტყველო მეცნიერებები:
ნინო ოგანეზოვი, ბიოლოგი
ნინო რევაზაშვილი; ელენე კაცაძე, ფიზიკოსები
გიორგი არსენაძე, ფიზიკოსი
სახვითი ხელოვნება:
გიორგი ვარდიაშვილი, მულტიმედია არტისტი
თიკა შელია, ანო ჯიშკარიანი, არტისტები
ვატო ბაქრაძე, არტისტი
ჰუმანიტარული მეცნიერებები:
ლევან ლოსაბერიძე, არქეოლოგი
ბორის კომახიძე, ანთროპოლოგი
ნინო რიგვავა, ხელოვნებათმცოდნე
მეცნიერებისა და ხელოვნების რვა ნომინაციაში გამარჯვებულ ლაურეატებს ფულადი პრემია, ჯილდო, ლაურეატის დიპლომი და სპეციალური პრიზები გადაეცემათ.
აღსანიშნავია, რომ ახალგაზრდა შემოქმედებისთვის პრემიის დაწესების იდეა 1998 წელს წინანდალში ახალგაზრდა შემოქმედთა შეხვედრა-სემინარზე დაიბადა. სემინარის ორგანიზატორი იყო საქართველოს ახალგაზრდობის საქმეთა სახელმწიფო დეპარტამენტი.
„წინანდლის პრემიის“ პირველი დაჯილდოების საზეიმო ცერემონიალი 1999 წელს თეატრალურ სარდაფში გაიმართა. პროექტს თავიდანვე აქტიურად დაუჭირა მხარი პარლამენტის თავმჯდომარე ზურაბ ჟვანიამ, რომლის ინიციატივით და პატრონაჟით ხორციელდებოდა „წინანდლის პრემია”.
პრემიის ლაურეატები იყვნენ: რატი ამაღლობელი, ლაშა ბუღაძე, ნინო კასრაძე, ნიკოლოზ რაჭველი, დავით დოიაშვილი, გოგი ძოძუაშვილი, დავით საყვარელიძე, ნატო მეტონიძე, გიორგი უშიკიშვილი, ვალერიან შიუკაშვილი, დავით ქართველიშვილი, ზაზა ბიბილაშვილი, გიორგი ყიფშიძე, გიორგი კეკელიძე, დათა თავაძე, გიორგი ცაგარელი, მარიამ ხაჭვანი, დეა კულუმბეგაშვილი და სხვა.
„წინანდლის პრემია“ თანამედროვე ხელოვნებასა და მეცნიერებაში არსებულ მიღწევათა პოპულარიზაციას ემსახურება და ხელს უწყობს ახალგაზრდა, ნიჭიერ და პერსპექტიულ შემოქმედთა შესაძლებლობების რეალიზებას. წლების განმავლობაში „წინანდლის პრემიამ“ ხელი შეუწყო ნიჭიერ ახალგაზრდებს, რომლებმაც უდიდესი წვლილი შეიტანეს თანამედროვე ქართული კულტურისა და მეცნიერების განვითარებაში.
