ამერიკაში მცხოვრებმა ქართველმა მომღერალმა და სიმღერების ავტორმა Nini Iris-მა სოციალურ ქსელში ვიდეო გაავრცელა, სადაც ის ახალი სიმღერის გამოსვლას აანონსებს. მისი თქმით, ეს სწორედ ის სიმღერაა, რომელიც საზოგადოებრივ მაუწყებელს ევროვიზიის კონკურსისთვის გაუგზავნა.
„გამომდინარე იქიდან, რომ მე და ჩემი გუნდი უამრავ შეტყობინებას ვიღებდით ევროვიზიაში ჩემს მონაწილეობასთან დაკავშირებით, ვგრძნობ პასუხისმგებლობას, ამ საკითხზე ვისაუბრო. 2024 წლის დეკემბრის დასაწყისში საზოგადოებრივ მაუწყებელს გავუგზავნე ჩემი კომპოზიცია Release me, რომელიც შესანიშნავ Jason Master-თან ერთად შევქმენი. ეს სიმღერა ჩემთვის ძალიან ბევრს ნიშნავს, მასში მთელი ჩემი ძალისხმევა ჩავდე, თუმცა ადგილობრივ კომისიას ვაცნობე, რომ მზად ვიყავი, მათთან ერთად მეთანამშრომლა სხვა სიმღერაზე და სხვა მიმართულებით წავსულიყავი. მიუხედავად იმისა, რომ შედეგი ისეთი არ აღმოჩნდა, როგორსაც ველოდი, მაინც მსურს, გაგიზიაროთ ჩემი სიმღერა სახელწოდებით Realise me, რომელიც 25 აპრილს გამოვა. ის მოგითხრობთ ჩემს გაშიშვლებულ ემოციურ განცდებზე, რომელიც პროგრესირებს და უფრო ძლიერად, ვიდრე ოდესმე, საბოლოოდ მიემართება გულისტკივილისა და გამარჯვებისკენ…”
„დიდი მადლობა ყველას, ამ გაურკვეველ პერიოდში ჩემს მიმართ გამოხატული სიყვარულისთვის. მართლაც ძალიან ვაფასებ საერთაშორისო, ასევე ქართული საზოგადოების მხარდაჭერას. თქვენ მე მაძლიერებთ.. წარმატებები საქართველოს, მიყვარხართ ყველანი ძალიან.” – აღნიშნა მომღერალმა Nini Iris- მა ვიდეო მიმართვაში.
მოისმინეთ Nini Iris-ის სიმღერის Release Me მუსიკალური ფრაგმენტი და დაელოდეთ მის პრემიერას 25 აპრილს.
