კანიე უესტის თქმით, J. Cole ჰიპ-ჰოპ მუსიკას ვნებს

Ye-სა და Cole-ს უკვე დიდი ხანია, დაძაბული ურთიერთობა აქვთ.
კანიე უესტი და J. Cole. 2011 წლის 19 თებერვალი.
Johnny Nunez/WireImage

კანიე უესტი კიდევ ერთხელ აღმოჩნდა სოციალური მედიის ყურადღების ცენტრში. რეპერმა  X-ზე გამოქვეყნებულ პოსტებში J. Cole და მისი მუსიკა გააკრიტიკა. 

უესტი პირდაპირ წერს: „J. Cole-ის მუსიკა ძალიან მძულს.”  – მისი თქმით, გართობის ინდუსტრიის გარკვეული „დამკვეთები” ცდილობენ, J. Cole დაარწმუნონ, დრეიკს დაუპირისპირდეს.  ამის შემდეგ უესტმა სარკასტულად აღნიშნა, რომ ამ დაპირისპირების სანაცვლოდ, Super Bowl-ის დროს მაყურებელი J. Cole-ის რეკლამას იხილავდა. ამ ფორმით Ye-მ (კანიე უესტი) გამოთქვა მოსაზრება, რომ J. Cole კომერციული პროექტია და მისი წარმატება რეალური არ არის.

ამის შემდეგ კანიე უესტმა Cole-ის მუსიკა კიდევ უფრო დამცინავად მოიხსენია, როდესაც თქვა, რომ მისი  მუსიკა მხოლოდ ქალწულებისთვისაა. „J. Cole-ს არავინ უსმენს მას შემდეგ, რაც ქალწულობას კარგავს,” – დაწერა მან.  

უესტმა ასევე გაიხსენა 2021 წლის Donda-ს პერიოდი და ის, თუ როგორ არწმუნებდა დრეიკს, რომ J. Cole-სთვის დიდი პლატფორმის მიცემით ჰიპ-ჰოპის მუსიკალურ სცენას აზიანებდა.  

„როცა Donda-ს პერიოდში დრეიკს შევხვდი, ვუხსნიდი, რომ J. Cole-ისთვის პლატფორმის მიცემით ჰიპ-ჰოპს ვნებდა. იმავდროულად ვამბობდი, რამდენად მომწონდა Future,” – გაიხსენა მან.  

კანიემ J. Cole გასულ წელსაც გააკრიტიკა, როდესაც Like That-ის რემიქსზე თავისი სტროფი ჩაწერა: „Play J. Cole get the p—y dry”. 

Ye-სა და Cole-ს უკვე დიდი ხანია, დაძაბული ურთიერთობა აქვთ. მიუხედავად იმისა, რომ J. Cole-ის თქმით,  უესტის მუსიკალურ მემკვიდრეობას პატივს სცემს, ტრეკებში Ye-ს ხშირად აკრიტიკებს. მაგალითად, 2016 წლის False Prophets-ისა და 2019 წლის Middle Child-ის ტექსტებში ამბობს, რომ უესტი იმედებს ვერ ამართლებს.  

კანიე უესტი ბოლო თვეების განმავლობაში კიდევ უფრო სკანდალური გახდა X-ზე გამოქვეყნებული ხმაურიანი პოსტებით. – მან ანტისემიტური განცხადებები გაამეორა და ჰიტლერისადმი სიმპათია გამოხატა. 

გასულ კვირას ვესტმა DJ Akademiks-თან ინტერვიუში თავისი ბოლო კომენტარების კონტექსტი განმარტა და არაერთი ცნობილი სახეც ახსენა, მათ შორის: კენდრიკ ლამარი, დრეიკი, კიმ კარდაშიანი, Diddy, ვირჯილ აბლო, ჯეი-ზი, Playboi Carti და სხვ.  

იხილეთ იეს პოსტები, სადაც კანიე უესტი J. Cole-ს აკრიტიკებს:

Share
Tweet
Share
Share
Share

წინა სტატია

The Weeknd Courtesy of Republic Records

The Weeknd-ის ვიდეოკლიპმა Call Out My Name YouTube-ზე მილიარდი ნახვა დააგროვა

შემდეგი სტატია

თბილისში ჯასტინ ტიმბერლეიკის კონცერტი გაიმართება

შეიძლება დაგაინტერესოთ

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი