J. Cole-ის Dreamville ფესტივალი არ დაიხურება და განახლებული ფორმატით დაბრუნდება

ორგანიზატორებმა ინფორმაცია წლევანდელი ფესტივალის წინ გამართულ პრესკონფერენციაზე გაავრცელეს.
J. Cole 2024 წლის Dreamville Fest-ზე
Prince Williams/FilmMagic

Dreamville Fest-ის დახურვის შესახებ მოარული ხმები, როგორც ჩანს, ზედმეტად გადაჭარბებული აღმოჩნდა. ბევრი ფანი იმედგაცრუებული დარჩა იმის გაგებით, რომ წელს ბოლო გამოშვება იქნებოდა J. Cole-ის ყოველწლიური მუსიკალური ფესტივალისა, რომელიც უკანასკნელი 5 წლის განმავლობაში მათ საყვარელ მუსიკალურ ღონისძიებად იქცა. თუმცა ფესტივალის წინ გამართულ პრესკონფერენციაზე ორგანიზატორებმა განაცხადეს, რომ Dreamville Fest კვლავ დაბრუნდება, თუმცა განსხვავებული ფორმატით.

„ჩვენ აქ კიდევ არაერთი წელი დავრჩებით,” – თქვა ფესტივალის პროდიუსერმა. „ეს მრავალწლიანი შეთანხმებაა და გვიხარია, რომ ქალაქ რალისთან ერთად რაღაც ახალზე ვიმუშავებთ და განვაგრძობთ ამ შესანიშნავი პროექტის შენებას, რომელსაც წლების განმავლობაში ვაკეთებდით.”

რალის მუნიციპალიტეტის თავმჯდომარემ კი დაამატა, რომ პოპულარული ფესტივალი კვლავ ჰიპ-ჰოპის გარშემო დარჩება. „ჩვენ განვაგრძობთ იმ გზას, რომელმაც წარმატება მოგვიტანა. ჩვენი მომხმარებლები გვეუბნებიან, თუ რა მოსწონთ, ჩვენ კი ვეცდებით, რომ მომდევნო ოთხი წლის განმავლობაში მათ იგივე შევთავაზოთ.” 

მისი თქმით, J. Cole კვლავაც გეგმავს, რომ ფესტივალში აქტიურად იყოს ჩართული, განურჩევლად იმისა, იქნება თუ არა მისი ჰედლაინერი. საუბარში თავად კოულის მენეჯერი და ბიზნესპარტნიორიც ჩაერთო და აღნიშნა, რომ მნიშვნელოვანია, ფესტივალმა ნაცნობი ატმოსფერო შეინარჩუნოს. „გვინდა, რომ ერთიანი თემის შეგრძნება არ დავკარგოთ. ჩვენ ამას ოჯახის შეკრებას ვეძახით.”

ახალი ფესტივალი მომდევნო ოთხი წლის განმავლობაში კვლავ რალიში,  Dorothea Dix Park-ში გაიმართება. რიგით მეხუთე და ამ დროისთვის ბოლო Dreamville Fest  კი ამ შაბათ-კვირას შედგება. 

Share
Tweet
Share
Share
Share

წინა სტატია

ფილარმონიის დიდ საკონცერტო დარბაზში იტალიელი ბანდონეონისტის, მარიო სტეფანო პიეტროდარკის კონცერტი გაიმართება

შემდეგი სტატია

TikTok-ის ვარსკვლავმა ნია აივიმ არიანა გრანდე ნიკი მინაჟის იმიტაციით აღაფრთოვანა

შეიძლება დაგაინტერესოთ

ელტონ ჯონი და ბრენდი კარლაილი ფოტო: პეგი სიროტა

ელტონ ჯონის და  ბრენდი კარლაილის კოლაბორაციული ახალი ალბომი  Who Believes in Angels?

5 აპრილს დუეტი შაბათის ღამის შოუში მუსიკალური სტუმრის სტატუსით წარდგება, მეორე დღეს კი ალბომის აღსანიშნად კონცერტს გამართავენ.
მეტი

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი