არიანა გრანდემ 2024 წლის 8 მარტს მეშვიდე სტუდიური ალბომი Eternal Sunshine გამოსცა, ნოემბერში მონაწილეობა მიიღო ოსკაროსან მიუზიკლში Wicked, ახლახან, 28 მარტს კი ალბომის განახლებული დელუქს ვერსია Brighter Days Ahead გამოსცა, რომელშიც ექვსი ახალი სიმღერა შედის.
Billboard-ის Pop Shop Podcast-ის, ახალ ეპიზოდში წამყვანები არიანა გრანდეს, როგორც პოპვარსკვლავის დაბრუნებაზე ალაპარაკდნენ. არტისტს საკმაოდ აქტიური და წარმატებული წელი ჰქონდა, როგორც კინოვარსკვლავს, ახლა კი წამყვანები არიანას ალბომის, Eternal Sunshine-ის დელუქს ვერსიას, Brighter Days Ahead-ს განიხილავენ.
პოდკასტში ჩარტების სიახლეებზეც ისაუბრეს: როგორ დაბრუნდა Eternal sunshine Billboard 200-ის ალბომების ჩარტის პირველ ადგილზე მისი ხელახალი გამოცემის შემდეგ, როგორ დაიკავა Drake-ის ჰიტმა Nokia-მ Billboard Hot 100-ში მე-7-დან მე-3 ადგილი, კენდრიკ ლამარი კი კვლავ ლიდერობს ჩარტში SZA-სთან კოლაბორაციული სიმღერით Luther.
ამავდროულად, ჩაპელ როუნის Pink Pony Club – Pop Airplay ჩარტში პირველ ადგილზეა, ხოლო ბოლო 24 წლის განმავლობაში ბონ ჯოვიმ იმავე ჩარტში ახალი სიმღერით კარიერის განმავლობაში ყველაზე მაღალი პოზიცია დაიკავა.
The Billboard-ის Pop Shop Podcast ერთ-ერთი ყველაზე უნივერსალური სივრცეა, სადაც Billboard-ის ყოველკვირეულ ჩარტებთან ერთად პოპ-მუსიკის სიახლეებზე, სტატისტიკებზე, ისტორიებზე და ახალ რელიზებზე, საინტერესო დისკუსიები იმართება. აქვე მოისმენთ ექსკლუზიურ ინტერვიუებს პოპ-სცენის წარმომადგენლებთან.
პოდკასტს Billboard-ის ციფრული მიმართულების აღმასრულებელი დირექტორი ქეთი ატკინსონი და ჩარტებისა და მონაცემთა ოპერაციების დირექტორი კიტ კოლფილდი უძღვებიან. წამყვანები მუსიკით დაინტერესებულ ადამიანებს ყოველკვირეულად საინტერესო გადაცემას სთავაზობენ, რომლის მოსმენაც Billboard.com-ზე ან Apple Podcasts-ზეა შესაძლებელი.
