ხუთშაბათს, რომში, ორდღიანი კონკლავის შემდეგ კათოლიკურმა ეკლესიამ ახალი პაპი აირჩია. მაშინ, როცა მხოლოდ 133 კარდინალს ჰქონდა პაპის არჩევის შესაძლებლობა, პარალელურად Billboard-ის მუსიკალური გამოკითხვა მიმდინარეობდა, რომელშიც ყველა მსურველს შეეძლო მონაწილეობა.
კვირის რელიზები არაერთმა არტისტმა გამოუშვა, მათ შორის მაილი საირუსმა და BLACKPINK-ის ROSÉ-მ.
ჰანა მონტანას ვარსკვლავმა მაილი საირუსმა ახალი სინგლი More to Lose გამოსცა, რომელიც მის მომავალ ალბომში Something Beautiful არის შესული. სიმღერას თან კინემატოგრაფიული მუსიკალური ვიდეო ახლავს, რომელიც ალბომის საერთო ვიზუალში ჯდება.
პარალელურად K-pop ვარსკვლავმა ROSÉ-მ ახალი სიმღერა Messy გამოუშვა, რომელიც F1 ფილმის საუნდტრეკის, Doja Cat-ისა და Don Toliver-ის Lose My Mind-ის შემდეგ უახლესი რელიზია.
გარდა სხვა ახალი სინგლებისა, აღსანიშნავია, რომ ამ კვირაში გამოვიდა Halsey-სა და Amy Lee-ს (Evanescence) ერთობლივი სიმღერა Hand That Feeds, რომელიც სპეციალურად ფილმ Ballerina-სთვის დაიწერა.
კვირის განმავლობაში ასევე მრავალი ახალი ალბომი და პროექტი დარელიზდა, მათ შორის არის:
Sleep Token-ის ალბომი Even in Arcadia,
Kali Uchis-ის ჩანაწერი Sincerely,
PinkPantheress-ის მიქსტეიპი Fancy That,
Maren Morris-ის ალბომი Dreamsicle.
