Bad Bunny სამსახიობო კარიერას აგრძელებს. ის ამჯერად ფილმ Caught Stealing-ის მსახიობთა გუნდს უერთდება, სადაც ოსტინ ბატლერისა და ზოი კრავიცის გვერდით ითამაშებს.
21 მაისს ფილმის ოფიციალური ტრეილერი გამოქვეყნდა, სადაც ბენიტო ანტონიო მარტინეს ოკასიო, სასცენო სახელით Bad Bunny გამოჩნდა. ფილმში ის პუერტო რიკოელ განგსტერს განასახიერებს.
დარენ არონოფსკის ახალი პროექტი Caught Stealing მძაფრსიუჟეტიანი და დრამატული ფილმია. მისივე რეჟისორობითაა გადაღებული ცნობილი ფილმები: Requiem for a Dream, Black Swan და Mother!
ახალი კინოპროექტის შესახებ ინფორმაცია მას შემდეგ გავრცელდა, რაც პუერტორიკოელი სუპერვარსკვლავი Bad Bunny შაბათის ღამის შოუს საიუბილეო (50) სეზონის ფინალურ ეპიზოდებში გამოჩნდა და სიმღერები – Nuevayol და Perfumito Nuevo შეასრულა. პარალელურად, არტისტი ტურნეს აგრძელებს და საკუთარ ახალ რეკორდებსაც ამყარებს.
Billboard-ის ბოლო მონაცემებით, Bad Bunny-ის გლობალური ტურნე Debí Tirar Más Fotos უკვე 2.6 მილიონი ბილეთის გაყიდვით არაერთ საერთაშორისო რეკორდს ხსნის. არტისტმა ტურნე ოფიციალურად მაისში დააანონსა, პირველი კონცერტები კი ნოემბერში დაიწყება.
ნახეთ ფილმ Caught Stealing-ის ტრეილერი:
