22 ივნისს პარიზში Beyoncé-ს კონცერტი გაიმართა. სუპერვარსკვლავმა გასტროლის ბოლო დღე განსაკუთრებულად დაასრულა, როდესაც სტად დე ფრანსის სცენაზე Jay-Z-ც გამოჩნდა. Cowboy Carter Tour-ის კონცერტები პარიზში 19, 21 და 22 ივნისს გაიმართა.
არტისტებმა ერთად შეასრულეს 2003 წლის ჰიტი Crazy in Love. ასევე იმღერეს 2013 წლის ჰიტი Drunk in Love.
Jay-Z-მ პარიზის სცენაზე საკუთარი ჰიტი N****s in Paris-იც გააჟღერა.
Beyoncé-ს და Jay-Z-ს ერთობლივი გამოსვლა 2018 წლის 2 დეკემბერს Global Citizen Festival: Mandela 100-ის ფარგლებშიც შედგა. 22 ივნისს კი პარიზში შეკრებილმა აუდიტორიამ მათი დუეტი კვლავ იხილა.
სოციალურ ქსელებში გავრცელებულ ვიდეოებში, მათ შორის Cardi B-ს მიერ ატვირთულ კადრებში, რომელიც Cowboy Carter-ის სტილში გამოწყობილი ესწრებოდა კონცერტს, ჩანს, როგორ დგას Beyoncé სცენის ერთ კუთხეში, ამ დროს მოულოდნელად ჩნდება Jay-Z და გულშემატკივრებს მთელი ყურადღება მასზე გადააქვთ.
Beyoncé-ს 2003 წლის ჰიტი Crazy in Love, Billboard-ის Hot 100 ჩარტში რვა კვირის განმავლობაში ლიდერობდა და არტისტის ერთ-ერთ ყველაზე წარმატებულ სინგლად ითვლება. სიმღერა მუდმივად ჟღერდება Cowboy Carter Tour-ის კონცერტებზეც. კვირას კი Beyoncé-მ ეს კომპოზიცია Jay-Z-სთან ერთად შეასრულა.
სწორედ პარიზში, ამ ტურის ფარგლებში პირველად გაჟღერდა Beyoncé-ს და Jay-Z-ს შესრულებული Drunk in Love.
აღსანიშნავია, რომ ეს სიურპრიზი პარიზში Beyoncé-ს პირველ საღამოს მოჰყვა, როცა სცენაზე მაილი საირუსი გამოჩნდა და Beyoncé-სთან ერთად საერთო ბალადა II Most Wanted შეასრულა. აღსანიშნავია, რომ ეს ამ სიმღერის პირველი ცოცხალი შესრულება იყო.
Cowboy Carter Tour-ის შემდეგ Beyoncé აშშ-ში ბრუნდება, სადაც მშობლიურ ქალაქ ჰიუსტონში 28 ივნისიდან ორი გრანდიოზული კონცერტის გამართვას გეგმავს.
