50 Cent არასდროს ერიდებოდა Diddy-ს კრიტიკას მას შემდეგ, რაც მას სექსტრეფიკინგისა და რეკეტის ბრალდებები წაუყენეს. ამჯერად კი რეპერი შონ კომბსის ვერდიქტს ეხმაურება.
„Diddy მოერია RICO-ს (კანონი რეკეტისა და კორუფციული ორგანიზაციების შესახებ), ის ცუდი კაცია,” – დაწერა რეპერმა ინსტაგრამზე. „ის გეი ჯონ გოტია.”
ჯონ გოტი ნიუ-იორკის განგსტერი იყო, რომელიც გამბინოს დანაშაულებრივ ოჯახს მეთაურობდა. ის 1990 წელს რეკეტის რამდენიმე საქმეზე დააპატიმრეს და 2002 წელს გარდაიცვალა.
ნიუ-იორკის ფედერალურმა სასამართლომ Diddy დამნაშავედ ცნო არალეგალურ პროსტიტუციაში, თუმცა რეპერმა თავი დააღწია სხვა უფრო მძიმე ბრალდებებს – სექსტრეფიკინგი და რეკეტი – რომელთა დამტკიცების შემთხვევაშიც სასჯელი ბევრად დიდი (15 წლიდან უვადო პატიმრობა) იქნებოდა.
Diddy 2024 წელს დააპატიმრეს და მას შემდეგ რამდენჯერმე ეთქვა უარი გირაოს სანაცვლოდ გათავისუფლებაზე. ახლა კი რეპერის ადვოკატი ითხოვს, რომ კომბსმა დაუყოვნებლივ დატოვოს საპატიმრო.
50 Cent-ის პოსტს Diddy-ს ფანებიც გამოეხმაურნენ. „ვიცი, რომ ცოტა ნაწყენი ხარ,” „ეს 50 Cent-ის ყველაზე ცუდი დილაა!” – ვკითხულობთ კომენტარებში.
კომბსი ახლა განაჩენის გამოცხადებას ელოდება, რომელიც 0-დან 20 წლამდე პატიმრობას გულისხმობს.
ცოტა ხნის წინ პრეზიდენტმა დონალდ ტრამპმა თქვა, რომ კომბსის პოტენციური შეწყალების განხილვისას ის ფაქტებს დაეყრდნობოდა. 50 Cent კი ამბობდა, რომ ყველაფერს გააკეთებდა, რათა პრეზიდენტს გაეგო, რაც Diddy-ს მასზე ჰქონდა ნალაპარაკები.
„Diddy-ს ძალიან ცუდი რაღაცები აქვს ნალაპარაკები ტრამპზე. ეს არ არის ნორმალური. აუცილებლად მივაღწევ ტრამპამდე, რათა გაიგოს, თუ რას ვფიქრობ ამ ადამიანზე,” – დაწერა 50 Cent-მა ინსტაგრამის უკვე წაშლილ პოსტში. „დონალდი უპატივცემულობას არ მიიღებს. ის არასდროს ივიწყებს, თუ ვინ აირჩია მის წინააღმდეგ დგომა. დაუღალავად შრომისას, რომ ამერიკა ისევ დიდებული გახდეს, ყურადღების სხვა რაღაცებზე გადატანის დრო არ არის. მან უნდა განიხილოს შეწყალება ნებისმიერი ადამიანის მიმართ, ვისაც უსამართლოდ მოექცნენ და არა პაფ დედის შემთხვევაში.”
კომბსის 8-კვირიანი სასამართლო პროცესი ოთხშაბათს დასასრულს მიუახლოვდა. ნიუ-იორკის ფედერალურმა სასამართლომ მის საქმეზე შერეული ვერდიქტი გამოიტანა. ახლა კი ყველა მოსამართლე სუბრამანიანის განაჩენს ელოდება, გათავისუფლდება თუ არა Diddy საპატიმროდან.
