ბრიტანელმა პოპვარსკვლავმა კიბოს დიაგნოზის შესახებ ინფორმაცია პირველად ივნისის დასაწყისში ინსტაგრამზე გააზიარა. ახლახან კი შვილთან დაკავშირებით ემოციური პოსტი გამოაქვეყნა. ოპერაციამდე ერთი დღით ადრე გადაღებული ვიდეოს აღწერაში ვკითხულობთ: „მე კარგად ვარ, შედეგი არის ის რომ კიბო არ არის გავრცელებული, ეს ნამდვილად ბედნიერების ცრემლებია, მადლობა ლოცვისთვის, სიყვარულისთვის, თბილი სიტყვებისთვის, სიხარულისთვის და დადებითი ენერგიისთვის.”
ჯესი ჯეი პოსტში აგრძელებს: „ეს ვიდეო ოპერაციამდე ერთი დღით ადრეა გადაღებული, მე მას ჩემს პატარა ბიჭს ვეძახი, ის ჩემთვის ყველაზე დიდი სხივია, რომლის გვერდითაც სიბნელეს გამარჯვება უბრალოდ არ შეუძლია.” – წერს მომღერალი შვილისადმი მიძვნილ პოსტში.
ჯესი ჯეიმ პირველი ქირურგიული ოპერაცია 23 ივნისს ჩაიტარა და გულშემატკივრებისთვის ინფორმაციას პერიოდულად ანახლებდა.
„მოსაშუშებელი ჯერ კიდევ ბევრია, თუმცა ახლა მადლიერების გამოხატვის დროა, სახელს ვიცვლი და ვხდები The LopJess Monster.” – დაწერა მანამდე ჯესი ჯეიმ.
გასულ თვეს გრემის ნომინანტმა არტისტმა დიაგნოზზე 75 000-იანი აუდიტორიის წინაშე, უემბლის სტადიონზე, სცენიდან ისაუბრა: „დღეს ეს კონცერტი ბოლო შოუა, სანამ მკერდის კიბოს საბოლოოდ დავამარცხებ. ეს ჩემთვის განსაკუთრებული მომენტია. უზომოდ მადლიერი ვარ სიცოცხლისთვის, თქვენთვის, ჩემი კარიერისთვის, ჩემი შვილისთვის, ჩემი პარტნიორისთვის, ჩემი მშობლებისთვის, ჩემი ბენდისთვის. იმდენი რამ გვაქვს, რის გამოც ცხოვრება ნამდვილად ღირს.“ბოლო წლებში ჯესი ჯეი ჯანმრთელობასთან დაკავშირებულ პრობლემებს გულწრფელად აზიარებდა. 2020 წელს არტისტმა ყურის ქრონიკული დაავადების – მენიერის შესახებ ისაუბრა, 2021-ში გაამხილა, რომ აბორტი გაიკეთა. 2024-ში კი საჯაროდ ისაუბრა ობსესიურ-კომპულსიური აშლილობისა და ADHD-ის დიაგნოზზე.
