13 ივლისს ლოს-ანჯელესში ანიმაციური ფილმის, Smurfs-ის პრემიერა გაიმართა, სადაც Rihanna-მ გამოცემა Entertainment Tonight-თან გულახდილად ისაუბრა, თუ რა გავლენა მოახდინა მის აღზრდაზე მამამ, რომელიც 70 წლის ასაკში გარდაიცვალა. Rihanna-ს A$AP Rocky-სთან ორი ვაჟი ჰყავს, ამჟამად კი წყვილი მესამე შვილს ელოდება.
„სულ ვფიქრობდი, თუ როგორი ბაბუა იქნებოდა შვილიშვილებისთვის, მან ნამდვილად შემამზადა ბავშვების აღზრდისთვის, თავგადასვლების და ბუნების მოყვარული ვარ და რისკიანი ხასიათი მაქვს, სწორად ასე მინდა აღვზარდო ისინიც. მინდა ბუნებაში გაიზარდონ და არ იყვნენ გაჯეტებზე დამოკიდებული.” – თქვა Rihanna-მ.
მომღერალმა დააამატა, რომ მამა მისთვის ბავშვობის ყველაზე მხიარული ნაწილი იყო. თუმცა ბოლო წლებში Rihanna-ს მამასთან რთული ურთიერთობა ჰქონდა, მას შემდეგ, რაც 2009 წელს კრის ბრაუნმა Rihanna-ს ფიზიკური შეურაცხყოფა მიაყენა, მომღერლის მამამ კი მედიასთან მისი თანხმობის გარეშე ისაუბრა.
2019 წელს Rihanna-მ მამას, რონალდ ფენტის და მის ბიზნეს პარტნიორს, მოზეკ პრეკინსს იმის გამო უჩივლა, რომ მათ კომპანია, სახელწოდებით Fenty Entertainment დააარსეს. მომღერალი ამტკიცებდა, რომ ისინი მისი სახელის გამოყენებით მოგების მიღებას ცდილოდბენ და ამით ინვესტორები შეცდომაში შეჰყავდათ, თუმცა 2021 წელს მომღერალმა სარჩელი უკან გაიტანა.
Smurfs-ის პრემიერაზე Rihanna-ს ორივე შვილი, 3 წლის არზა და 11 თვის რაიოთ როუზიც იმყოფებოდნენ, სადაც მომღერალმა მომავალი შვილის სქესის შესახებაც ისაუბრა. „ყოველთვის მინდოდა გოგო, თუმცა ღმერთმა უკეთ იცის, არა? და მინდა ვთქვა, რომ ჩემს ბიჭებს ვაღმერთებ.” – თქვა სუპერვარსკვლავმა Extra-სთან საუბარში. ხოლო როდესაც გამოცემა Access Hollywood-მა ჰკითხა Rihanna-ს, თუ ვის ელიან მისი შვილები, სმურფს თუ სმურფეტის, მომღერალმა იხუმრა კიდეც: „ისინი ელიან მას, ვინც ლურჯი არ იქნება.“
