29 ივლისს Hot 97-ის სტუდიას ცნობილი რეპერი Tyler, the Creator ესტუმრა, სადაც არტისტმა The Clipse-ის კომპოზიცია P.O.V-ში საკუთარ პარტიაზე ისაუბრა. Tyler-ის თქმით, მან ამ პარტიის დაახლოებით 79-დან 100-მდე ვერსია ჩაწერა და იქამდეც კი მივიდა, რომ ფიქრობდა, მუშაობა შეეწყვიტა.
„დაახლოებით 79-დან 100-მდე ვერსიის ჩაწერა დამჭირდა, Pusha-ს თითქმის მივწერე კიდეც, რომ აქედან არაფერი გამოვიდოდა. ძალიან ვინერვიულე, დიდხანს ვწერდი და ვცდილობდი, სრულყოფილი გამომსვლოდა… პირდაპირი გაგებით ოფლად ვიღვრებოდი. Pusha-მ ტურნემდე, ალბათ აპრილში გამომიგზავნა კომპოზიცია და საბოლოო ვერსია მხოლოდ მაისის ბოლოს, ივნისის დასაწყისში მივაწოდე. საკმაოდ დიდხანს ვცდილობდი ამ ვერსის ჩაწერას. მერე გამოვიდა და ხალხს მოეწონა.” – აღნიშნა Tyler, The Creator-მა.
ინტერვიუს სხვა ნაწილში რეპერმა მისი ალბომის, Don’t Tap the Glass-ის სახელწოდების შესახებაც ისაუბრა. თავდაპირველად ის მისი და A$AP როკის დუეტის სათაური უნდა ყოფილიყო.
„Don’t Tap the Glass სინამდვილეში ჩემი და A$AP Rocky-ს დუეტისთვის მქონდა მოფიქრებული, მაგრამ მოხდა ისე, რომ არასდროს გამოგვიყენებია. ეს სახელწოდება ყოველთვის მქონდა შენახული და მიყვარდა. როცა ამაზე მუშაობა დავიწყე, ვთქვი: ღმერთო ჩემო, ეს სწორედ ისაა, რაც მინდოდა.“ – თქვა რეპერმა.
Don’t Tap the Glass – გამოსვლისთანავე მალევე Billboard 200-ის სათავეში მოექცა. Luminate-ის მონაცემებით, 24 ივლისის ჩათვლით, აშშ-ში ალბომის 197 000 ეკვივალენტური ერთეული გაიყიდა.
მოისმინეთ Tyler, The Creator-ის სრული ინტერვიუ:
