31 ივლისს Doechii-მ X-ზე პოსტი გამოაქვეყნა, რეპერი lollapalooza-ს ფესტივალზე განსაკუთრებული სტუმრის მოწვევას გეგმავს. მისი გამოსვლა 2 აგვისტოს იგეგმება, სადაც Doechii T-Mobile-ის სცენაზე მთავარი გამომსვლელი ჯგუფის, Rufus du Sol-ის წინ წარდგება.
„ვფიქრობ, DOECHII-PALOOZA-ზე სტუმარი უნდა მოვიწვიო, და ვინ იქნება ის?“ – დაწერა Doechii-იმ.
გულშემატკივრები სტუმრის ვინაობას სავარაუდოდ Doechii-ს გამოსვლის დროს გაიგებენ, თუმცა უნდა ითქვას, რომ ამ კვირას ჩიკაგოს ასობით ცნობილი მუსიკოსი ეწვევა, რაც იმას ნიშნავს, რომ Doechii-სთან ერთად, შესაძლოა, ნებისმიერი მუსიკოსი წარდგეს. გრემის მფლობელ რეპერს აქამდე უთანამშრომლია Tyler, the Creator-თან სიმღერაზე Balloon, რომელიც მის ალბომში, Chromakopia-შია შესული. Tyler, the Creator ფესტივალზე 31 ივლისს, Doechii-ს გამოსვლამდე ორი დღით ადრე წარდგა.
Doechii-მ მსოფლიო აღიარება მიქსტეიფის – Alligator Bites Never Heal-ის გამოსვლით მოიპოვა. 2025 წლის გრემის დაჯილდოებაზე ამ ალბომმა საუკეთესო რეპ ალბომის ჯილდო დაიმსახურა, რის შემდეგაც მუსიკოსმა Billboard Hot 100-ის ტოპ ათეულში ჰიტ სიმღერით Anxiety მეცხრე ადგილი დაიკავა. Doechii ასევე Billboard-ის წლის ქალი მუსიკოსის ტიტულით Women in Music Awards-ზეც დაჯილდოვდა.
„ვერ ვიჯერებ, რომ მხოლოდ ორი წლის წინ სწორედ ამავე სცენაზე Billboard Rising Star Award მივიღე, მაშინ იმდენად ენერგიულად ვიმღერე და ვიცეკვე, რომ ფეხსაცმელი გამეხსნა და მიკროფონთან ფრთხილად მივედი. ახლა კი, აი, ისევ აქ ვარ. ეს მომენტი ზუსტად ასახავს ჩემს დამოკიდებულებას კარიერისადმი: ყოველთვის ბოლომდე, ყოველთვის ძლიერად და ყოველთვის ბრწყინვალედ.“ – თქვა Doechii-მ მარტში, ჯილდოს მიღებისას.
ფესტივალი Lollapalooza ჩიკაგოში, გრანტის პარკში, ოთხი დღის განმავლობაში – 31 ივლისიდან 3 აგვისტოს ჩათვლით გაიმართება. მთავარ გმომსვლელებს შორის Tyler, the Creator-თან და Rufus du Sol-თან ერთად, ოლივია როდრიგო და საბრინა კარპენტერიც წარდგებიან.
