როგორც ჩანს, ბრიტნი სპირსსაც კი უყვარს ჯასტინ ტიმბერლეიკის მოსმენა. ვიდეოში, რომელიც პოპვარსკვლავმა ინსტაგრამზე გააზიარა, მწვანე საცურაო კოსტიუმში გამოწყობილი სპირსი გემზე ცეკვავს. ფონად კი ტიმბერლეიკისა და Timbaland-ის Carry Out ისმის.
შემდეგ სპირსი გემის კაპიტანს მიმართავს და ამბობს: „მე და ეს კაცი ვართ აქ, წყალში, შეხედეთ.”
სპირსის ვიდეოში გაჟღერებული ტიმბერლეიკის 2009 წლის ჰიტი, რომელიც Billboard Hot 100-ის მე-11 ადგილზე გავიდა, დიდი ყურადღების საგანი გახდა, განსაკუთრებით მათი ისტორიის გათვალისწინებით. წყვილი ერთმანეთს 1999-2002 წლებში ხვდებოდა. 2023 წელს კი სპირსმა თავის მემუარებში მათი ურთიერთობიდან რამდენიმე უსიამოვნო ფაქტი გაამჟღავნა, მათ შორის იყო ღალატი ტიმბერლეიკის მხრიდან.
თუმცა, ამ ყველაფრის მიუხედავად, სპირსი წარსულშიც მხარს უჭერდა ყოფილი ბოიფრენდის შემოქმედებას. 2024 წელს მან განაცხადა, რომ შეყვარებული იყო ტიმბერლეიკის ახალ სიმღერაზე Selfish. ამ წლის მარტში კი გააზიარა ვიდეო, სადაც ბუხართან ჯასტინის Señorita-ზე ცეკვავს.
ცოტა ხნის წინ ტიმბერლეიკმა გაამხილა, რომ Forget Tomorrow World Tour-ის დროს მას ლაიმის დიაგნოზი დაუსვეს.
„თუ ეს დაავადება გამოგიცდიათ ან იცნობთ ვინმეს ამ დიაგნოზით, მაშინ გეცოდინებათ, რომ მასთან ერთად ცხოვრება განუწყვეტელი გამოფიტვაა როგორც მენტალურად, ასევე ფიზიკურად. როცა დიაგნოზი პირველად გავიგე, შოკში ჩავვარდი. მაგრამ მინიმუმ იმის მიზეზი გავარკვიე, თუ რატომ მქონდა ძლიერი ტკივილი სცენაზე ან რატომ ვგრძნობდი გიჟურ დაღლილობასა და სისუსტეს.”
რაც შეეხება სპირსს, ის ბოლო თვეების განმავლობაში აქტიურად უზიარებს გამომწერებს თავისი ცხოვრების სასიამოვნო ეპიზოდებს, მათ შორის ვაჟთან, ჯეიდენთან გატარებულ დროს.
