7 სექტემბერს MTV-ის მუსიკალური ვიდეოების დაჯილდოება VMAs-ზე Yungblud-მა, Aerosmith-ის ვოკალისტმა სტივენ ტაილერმა და ჯო პერიმ, ასევე Extreme-ის ნუნო ბეტენკურმა ოზი ოსბორნის ხსოვნისადმი მიძღვნილი შოუ წაიყვანეს. ლეგენდარული მუსიკოსი ივლისში გარდაიცვალა.
„შოუ ოსბორნის ვაჟმა, ჯეკმა და მისმა ოჯახმა გახსნეს. სცენაზე Yungblud ოქროს ჯვრით წარდგა, რომელიც ოზისგან ჰქონდა სახსოვრად. მომღრალმა ოსბორნს 1980 წლის სადებიუტო სოლო-სინგლის, Crazy Train-ის შესრულებით მიაგო პატივი.
Yungblud-ს შემდგომ სტივენ ტაილერი და ჯო პერი შეუერთდნენ და ერთად შეასრულეს სიმღერა Mama, I’m Coming Home, ეს უკანასკნელი კი ოზი ოსბორნის ის სინგლია, რომელიც Billboard Hot 100-ზე მოხვდა.
ოზი ოსბორნის უკანასკნელ კონცერტზე, რომელიც ბირმინგემში ივლისში გაიმართა, Aerosmith-ის წევრები და Yungblud-იც მონაწილეობდნენ.
MTV-ის მუსიკალური ვიდეოების დაჯილდოების წითელ ხალიჩაზე Yungblud-მა Billboard-თან საუბრისას აღნისშნა, რომ მისი ფავორიტი ოზის სიმღერა Believer არის, ხოლო საყვარელი ალბომი Tribute-ია, რომელიც ოზიმ რენდი როადსთან ერთად 1987 წელს ჩაწერა.
ოზი ოსბორნი 22 ივლისს, 76 წლის ასაკში გარდაიცვალა. მიზეზად კი გარდაცვალების მოწმობაში გულის გაჩერება და გულის კორონარული დაავადება სახელდება. სიცოცხლის ბოლო წლებში მუსიკოსი ღიად საუბრობდა პარკინსონის დაავადებისა და ხერხემლის დაზიანებაზე.
ნახეთ ოზი ოსბორნის ხსოვნისადმი მიძღვნილი პერფორმანსი:
