2025 წლის მადლიერების დღისადმი მიძღვნილი NFL-ის მუსიკალური შოუების შემსრულებლები უკვე ცნობილია. Post Malone, ჯეკ უაიტი და Lil Jon ის არტისტები არიან, რომლებიც სცენას 27 ნოემბერს დაგეგმილ სამ მატჩზე დაიკავებენ.
Post Malone მუსიკალური ნომრით Dallas Cowboys-ისა და Kansas City Chiefs-ის მატჩზე წარდგება. თამაში ტეხასის შტატის AT&T სტადიონზე ჩატარდება. უაიტი მთავარ შოუს გამართავს Detroit Lions-ის და Green Bay Packers-ის შეხვედრაზე, რომელიც დეტროიტის Ford Field-ზე გაიმართება, ხოლო Lil Jon-ის პერფორმანსს აუდიტორია Baltimore Ravens-ისა და Cincinnati Bengals-ის მატჩის დროს ბილტმორის M&T Bank სტადიონზე იხილავს.
სიახლის შესახებ განცხადება ინსტაგრამზე 16 ნოემბერს ერთობლივი პოსტით გავრცელდა. კიდევ ერთ განცხადებაში Post Malone აღნიშნავს: „ტეხასელი ვარ. ბავშვობიდან Cowboys-ის გულშემატკივარი ვიყავი და ამ მუსკალურ შოუებს წლებია, ვუყურებ. დიდი პატივია, The Salvation Army-სა და Dallas Cowboys-ის მატჩის ნაწილი გავხდე.”
დეტროიტში დაბადებულმა ჯეკ უაიტმაც ინსტაგრამზე გამოაქვეყნა პოსტი, სადაც ნაჩვენებია, როგორ იბეჭდება ლურჯი ვინილის ფირფიტა, რომლის მრგვალ ეტიკეტზეც გამოკვეთილია შეტყობინება შოუში მისი მონაწილეობის შესახებ. Detroit Lions-ის და Green Bay Packers-ის შეხვედრაზე უაიტის მონაწილეობის ამბავს წინ უძღოდა კიდევ ერთი სიახლე – 13 ნოემბერს ცნობილი გახდა, რომ ემინემი Detroit Lions-ის მადლიერების დღისადმი მიძღვნილი სპეციალური მატჩის მუსიკალური შოუს პროდიუსერი იქნება. ემინემი და როზენბერგი 2025 წლიდან 2027 წლამდე შოუს წარმოების, პრეზენტაციისა და შემსრულებელთა შერჩევის პროცესში კონსულტანტების სტატუსით ჩაერთვებიან.
რაც შეეხება Bengals-ის და Ravens-ის თამაშს, კვირის დასაწყისში დადასტურდა, რომ Lil Jon ღამის მატჩის მუსიკალურ შოუზე გამოვა.
იხილეთ Post Malone-ისა და ჯეკ უაიტის პოსტები დაანონსებული მუსიკალური შოუს შესახებ:
