ზურა ჯიშკარიანი მწერალი, მუსიკოსი და მულტიმედია არტისტია, რომელიც მუსიკალურ სცენაზე ასევე ცნობილია ფსევდონიმით DillaNext. ქართველი მსმენელი მას არაერთი პროექტიდან იცნობს, მათ შორის არის Kung-Fu Junkie, რომელიც 2007 წელს ჩამოყალიბდა და ათი წლის განმავლობაში ქმნიდა ჟღერადობას, სადაც პანკი, ელექტრონული მუსიკა და ექსპერიმენტული პოეზია ერთმანეთს ერწყმოდა.
17 ნოემბერს DillaNext-მა ახალი სინგლი – T(ბ)BILISMA – გამოუშვა. არტისტმა ნამუშევარი მუსიკალურ ვიდეოსთან ერთად წარადგინა. კომპოზიცია თბილისს ეძღვნება და კლიპში ნაჩვენები ვიდეოფრაგმენტებიც ქალაქის ურბანულ გარემოს ასახავს. გამოყენებული კადრების უმეტესობა თავად ზურა ჯიშკარიანის გადაღებულია.
იხილეთ ნამუშევრის კრედიტები:
არტისტი – DillaNext
ინსტრუმენტალი – Pache Prod
მასტერინგი – Bobby Kensei, DillaNext
მონტაჟის რეჟისურა – DillaNext
