სინთია ერივო თავის ძველ სკოლას ესტუმრა და მოსწავლეებს შეხვდა. BBC Radio 1-ის მიერ 18 ნოემბერს გაზიარებულ ვიდეოში ჩანს, როგორ შედის ერივო აუდიტორიაში, სადაც ბავშვები გაოცებითა და სიხარულის ცრემლებით ხვდებიან. ამ დროს მოსწავლეები For Good-ს ასრულებდნენ. ისინი უცებ შეჩერდნენ, როცა მსახიობი დაინახეს. ამ რეაქციების ფონზე ჩანს, რომ ვარსკვლავი ცრემლებს ვერ იკავებს, განსაკუთრებით მაშინ, როცა ბავშვები For Good-ს სპეციალურად მისთვის მღერიან.
მოსწავლეებს შესაძლებლობა მიეცათ, ერივოსთვის კითხვები დაესვათ. ერთმა ჰკითხა, რა იყო მისი კარიერის ყველაზე დიდებული მომენტი. მსახიობმა მოკლედ და მკაფიოდ უპასუხა: „აი, ეს“.
ვიდეო სრულდება იმით, რომ ერივო ბავშვებთან ერთად For Good-ს მღერის, რის შემდეგაც ისინი სთხოვენ, ფილმიდან მისი ცნობილი შეძახილი გაიმეოროს და ერივოც სიხარულით ასრულებს მათ სურვილს.
ეს მომენტი Wicked: For Good-ის პრემიერამდე რამდენიმე დღით ადრე მოხდა. ფილმი 21 ნოემბერს გამოვა. მეორე ნაწილი ეპიკური მიუზიკლის ფინალია, რომლის პირველი ნაწილის პრემიერა 2024 წლის ნოემბერში შედგა.
პირველმა ფილმმა ოსკარის ჯილდოები დაიმსახურა საუკეთესო კოსტიუმებისა და საუკეთესო ფროდაქშენ დიზაინის კატეგორიებში, ხოლო ერივოს სამსახიობო შესრულება საუკეთესო მსახიობი ქალის ნომინაციითაც აღიარეს.
ნახეთ ვიდეო:
