ქრისტინა სპეციალური სადღესასწაულო შოუს ახალ თიზერს ავრცელებს. „My Favorite Things – პირველი სინგლია ჩემი საშობაო სპექტაკლიდან, რომელიც ეიფელის კოშკზეა ჩაწერილი და ის ხვალ გამოვა,“ – დაწერა აგილერამ. მან პოსტს თან დაურთო Christina Aguilera: Christmas in Paris-ის საუნდტრეკის პირველი ჩანაწერი.
თიზერში აგილერა ასრულებს Rodgers და Hammerstein-ის კლასიკურ კომპოზიციას The Sound of Music-იდან.
სპეციალური შოუ მომზადებულია აგილერას საშობაო ალბომის – My Kind of Christmas-ის 25 წლის იუბილეს აღსანიშნავად. პროექტის რეჟისორი ემის მფლობელი სემ უოუჩია, რომელმაც ასევე გადაიღო Taylor Swift: The Eras Tour. გადაღებები პარიზში, Musée du Quai Branly-ს თავზე მდებარე ზამთრის ბაღის ტერასაზე მიმდინარეობდა. ვიდეოში აგილერა 250-კაციანი აუდიტორიის წინაშე გამოდის.
შოუს აღწერის მიხედვით, „საშობაო ნაძვის ხედ ქცეული ეიფელის კოშკის ფონზე, აგილერა ფერად, შთამბეჭდავ სანახაობას გვთავაზობს, სადაც პარიზის ხედები მისთვის ერთდროულად სცენაც არის და მაყურებელიც.”
ფილმი ასევე მოიცავს ფრაგმენტებს პარიზის სხვადასხვა ლოკაციებიდან, მათ შორის ლეგენდარული Crazy Horse-ის კაბარედან. აგილერას შოუს გრანდიოზული ფინალი თოვლიან სცენაზეა გადაღებული – პირდაპირ ეიფელის კოშკის წინ.
Christmas in Paris-ს აშშ-ის კინოთეატრებში 14 და 21 დეკემბერს აჩვენებენ.
