ქართული ბენდი Bedford Falls თიზერს აქვეყნებს, რომლითაც ახალ ალბომს აანონსებს. Lazy Bones – ასე ჰქვია ნამუშევარს, რომელიც ბენდის ახალ სიმღერებს გააერთიანებს. Bedford Falls ალბომიდან სინგლებს მსმენელს პერიოდულად გაუზიარებს. ალბომს ლეიბლი Stockton Records გამოსცემს.
Bedford Falls თანამედროვე ქართული მუსიკალური სცენის ერთ-ერთი ყველაზე პოპულარული როკ-ბენდია. ჯგუფის შემადგენლობაში არიან: დათო ჯიქია, მიხო კალანდარიშვილი, გიორგი მიგრიაული და სანდრო დიასამიძე. ბენდის მუსიკალური ჟღერადობა მრავალფეროვანია და აერთიანებს როგორც ინდი-როკის, ასევე დრიმ-პოპის ელემენტებს. 2023–2024 წლებში Bedford Falls-მა ევროპაში ტურნე გამართა და Montreux Jazz Festival-ზეც მიიღო მონაწილეობა.
