19 დეკემბრის მონაცემებით, Pink Floyd-ის კლასიკური ალბომი Wish You Were Here დიდ ბრიტანეთში 2025 წლის საშობაო ალბომების სათავეშია. აღსანიშნავია, რომ ალბომი ხუთი ათწლეულის შემდეგ პირველად მოხვდა პირველ ადგილზე.
1975 წელს ალბომის ხელახლა გამოცემული ციფრული და ფიზიკური რელიზი აქამდე გამოუქვეყნებელ ალტერნატიულ ვერსიებსა და დემო ჩანაწერებს მოიცავს, რომელშიც ისეთი სიმღერები შედის როგორებიცაა: Shine On You Crazy Diamond და ალბომის სახელწოდების მქონე სიმღერა Wish You Were Here.
ალბომი ჩარტის სათავეში პირველად ორმოცდაათი წლის წინ მოხვდა, მეორედ კი – ახლა. Wish You Were Here გამოსვლისთანავე, 1975 წელს, N1 ადგილზე გავიდა, 1973 წელს გამოსულმა Dark Side of the Moon-მა კი მხოლოდ N2 პოზიცია დაიკავა.
Pink Floyd-ისთვის ეს 2025 წლის მეორე N1 ალბომია, მაისში ჩარტის სათავეში აღმოჩნდა Pink Floyd at Pompeii – MCMLXXII ხელახლა გამოცემული რელიზით, რომელიც 1971 წლის ცოცხალი შესრულების ჩანაწერია. მიუხედავად ყველაფრისა, ეს ჯგუფისთვის პირველი საშობაო N1 ალბომია, თუმცა 1979 წელს მათ საშობაო სინგლი Another Brick in the Wall გამოსცეს.
ოლივია დინის ალბომი The Art of Loving N2 ადგილზეა, რომელიც ტოპ-ხუთეულში ზედიზედ მე-12 კვირაა, იმყოფება. ტეილორ სვიფტის The Life of a Showgirl-მა კი ერთი პოზიციით წინ გადაინაცვლა და N3 ადგილზეა, Michael Bublé-ის Christmas ასევე ერთი პოზიციით დაწინაურდა და N4 ადგილს იკავებს, ხოლო საბრინა კარპენტერის Man’s Best Friend ტოპ-ხუთეულში N5 პოზიციას ინარჩუნებს.
ასევე ტოპ-40-შია Oasis-ის სამი ჩანაწერი: (What’s the Story) Morning Glory? N10 პოზიციით, (What’s the Story) Morning Glory? – Singles Box, რომელიც ალბომის გამოსვლიდან 30 წლის აღსანიშნად გამოიცა N23-ე ადგილზეა, ხოლო სადებიუტო ალბომი Definitely Maybe N26-ე პოზიციას იკავებს.
