WITH ALL MY BREATH AND ALL MY BLOOD – გიორგი გიგაშვილის მომავალი ალბომია, რომელიც 2026 წლის 16 იანვარს გამოიცემა და რომელშიც სერგეი პროკოფიევის ნაწარმოებებს ასრულებს. ალბომზე მუშაობისას გიგაშვილმა ვიოლინისტ ლიზა ბათიაშვილთან ითანამშრომლა.
„ეს არის ჩემი პორტრეტი, ჩემი გული – ყველაფერი, რაც ჩემშია, ამ ალბომშია ჩადებული,“ – წერს ქართველი პიანისტი სოციალურ ქსელში.
გიორგი გიგაშვილი ქართველი პიანისტია, რომელიც საერთაშორისო მუსიკალურ სცენაზე ერთ-ერთ ყველაზე გამორჩეულ ახალგაზრდა არტისტად მიიჩნევა. 2023 წელს მან არტურ რუბინშტეინის სახელობის საერთაშორისო საფორტეპიანო კონკურსში უმაღლესი ჯილდო მოიპოვა – აღიარება, რომელიც კლასიკური მუსიკის სამყაროში ერთ-ერთ ყველაზე პრესტიჟულ მიღწევად ითვლება. გიგაშვილი რეგულარულად გამოდის მსოფლიოს წამყვან საკონცერტო დარბაზებში და თანამშრომლობს ცნობილ სიმფონიურ ორკესტრებსა და დირიჟორებთან.
2023 წლიდან გიორგი გიგაშვილი BBC-ის ახალი თაობის არტისტების პროგრამის მონაწილეა. აღნიშნულ სტატუსს BBC ყოველწლიურად ანიჭებს კლასიკური მუსიკის ახალგაზრდა შემსრულებლებს, რომლებიც საერთაშორისო სცენაზე გამორჩეული ნიჭითა და პოტენციალით გამოირჩევიან.
2024 წლის ბოლოს გიორგი გიგაშვილი Billboard Georgia-ს წარდგენით Billboard-ის პირველი საერთაშორისო გამოცემის ყდის არტისტი გახდა.
